LATESTKERALA

മുത്തൂറ്റ് ഫിനാൻസ് ശാഖയിൽ വൻ കൊള്ള, തോക്കുചൂണ്ടി ഏഴുകോടിയുടെ സ്വർണ്ണം കവർന്നു

ഹൊസൂരിലെ മുത്തൂറ്റ് ഫിനാൻസ് ശാഖയില്‍ വന്‍ കൊള്ള. തോക്ക് ചൂണ്ടി ഏഴ് കോടി രൂപയുടെ സ്വര്‍ണമാണ് കവർന്നെടുത്തത്. കൃഷ്ണ​ഗിരിയിലെ ഹൊസൂരിൽ നിന്ന് ബെ​ഗളൂരുവിലേക്ക് പോകുന്ന റോഡിലെ ബാ​ഗൂരിലുള്ള മുത്തൂറ്റ് ശാഖയിലാണ് കൊള്ള നടന്നത്. രാവിലെ ഓഫീസ് തുറക്കാനായി ജീവനക്കാരെത്തിയപ്പോൾ ഇടപാട് നടത്താനെന്നു പറഞ്ഞാണ് കൊള്ളക്കാർ സ്ഥാപനത്തിനകത്തു കയറിയത്. പിന്നീട് തോക്കുകാട്ടി ഭീഷണിപ്പെടുത്തി എല്ലാ ജീവനക്കാരെയും കെട്ടിയിട്ടു. ശേഷം ലോക്കർ തുറന്ന് സ്വർണവും പണവും കവരുകയായിരുന്നു.

ആറം​ഗസംഘമാണ് കവർ‌ച്ച നടത്തിയത്. ഇവർ കവർച്ചയ്ക്കുശേഷം വാഹനത്തിൽ ബം​ഗളൂരു ഭാ​ഗത്തേക്കാണ് പോയതെന്ന് ദൃക്സാക്ഷികൾ പറഞ്ഞു. 25091 ​ഗ്രാം സ്വർണവും 96,000 രൂപയുമാണ് നഷ്ടമായത്. സംഭവം അറിഞ്ഞയുടൻ പോലീസെത്തി സിസിടിവി പരിശോധിച്ചു. അഞ്ച് പ്രത്യേകസംഘത്തെ അന്വേഷണത്തിനായി നിയോ​ഗിച്ചിട്ടുണ്ട്.

Related Articles

Back to top button