സ്റ്റോക്ക്ഹോം: ഈ വര്ഷത്തെ വൈദ്യശാസ്ത്ര നൊബേല് പുരസ്കാരം പ്രഖ്യാപിച്ചു. വിക്ടര് ആമ്പ്രോസിനും ഗാരി റുവ്കുനിനുമാണ് 2024 ലെ നൊബേല് പുരസ്കാരം ലഭിച്ചത്. മൈക്രോ ആര് എന് എയുടെ കണ്ടെത്തലിലും പോസ്റ്റ് ട്രാന്സ്ക്രിപ്ഷണല് ജീന് റെഗുലേഷനില് അത് വഹിക്കുന്ന പങ്കിനെക്കുറിച്ചുമുള്ള പഠനമാണ് ഇരുവര്ക്കും അംഗീകാരം നേടിക്കൊടുത്തത്. ഇരുവരും അമേരിക്കയില് നിന്നുള്ള ഗവേഷകരാണ്. വിക്ടര് ആമ്പ്രോസ് നിലവില് മസാച്ചുസെറ്റ്സ് മെഡിക്കല് സ്കൂളില് നാച്ചുറല് സയന്സ് പ്രൊഫസറാണ്. ഹാര്വാര്ഡ് മെഡിക്കല് സ്കൂളില് ജനറ്റിക്സ് പ്രൊഫസറാണ് ഗാരി റുവ്കുന്.
സ്വീഡനിലെ കരോലിന്സ്ക ഇന്സ്റ്റിറ്റ്യൂട്ട് മെഡിക്കല് യൂണിവേഴ്സിറ്റിയുടെ നൊബേല് അസംബ്ലിയാണ് പുരസ്കാര ജേതാക്കളെ തിരഞ്ഞെടുത്തത്. വൈദ്യശാസ്ത്ര നൊബേല് പുരസ്കാരത്തിന് 1.1 മില്യണ് ഡോളര് (9.2 കോടി) സമ്മാനമായി ലഭിക്കും. മറ്റ് നൊബേല് പുരസ്കാരങ്ങള് തുടര്ന്നുള്ള ദിവസങ്ങളില് പ്രഖ്യാപിക്കും.ആല്ഫ്രഡ് നൊബേലിന്റെ ചരമവാര്ഷിക ദിനമായ ഡിസംബര് 10 ന് നടക്കുന്ന ചടങ്ങിലാകും ജേതാക്കള്ക്ക് പുരസ്കാരം സമ്മാനിക്കുക.
