BREAKING NEWSKERALALATEST

ലൗ ജിഹാദ്: അന്ന് അത് പറഞ്ഞത് വിഎസ്, അത് ഇങ്ങനെ

പാലാ ബിഷപ്പിന്റെ നര്‍ക്കോട്ടിക് ജിഹാദ് പ്രസ്താവനയില്‍ തൂങ്ങിയാടുകയാണ് കേരളാ രാഷ്ട്രീയം. സംഘപരിവാര്‍ സംഘടനകള്‍ കുത്തകയാക്കി വച്ചിരുന്ന ലൗ ജിഹാദ്, ന്യൂനപക്ഷ മതതീവ്രവാദം മുതലായ വിഷയങ്ങളിലെ പ്രസ്താവനകള്‍ കേരളത്തിലെ ക്രൈസ്തവ സമൂഹവും ചര്‍ച്ച ചെയ്യാന്‍ തുടങ്ങിയിട്ട് നാളുകളേറെയായി. അധികമാരാലും ശ്രദ്ധിക്കപ്പെടാതെ കിടന്നിരുന്ന ലൗ ജിഹാദ് ഉള്‍പ്പെടെയുള്ള വിഷയങ്ങളെ കേരളീയ സമൂഹത്തിന്റെ മുഖ്യധാരയിലേക്ക് എടുത്തുയര്‍ത്തിയത് സാക്ഷാല്‍ വി എസ് അച്യുതാനന്ദനായിരുന്നു. സിപിഎമ്മിന്റെ പൊളിറ്റ് ബ്യൂറോ അംഗവും കേരളത്തിന്റെ മുഖ്യമന്ത്രിയുമായിരിക്കവേയാണ് വി എസ് അച്യുതാനന്ദന്‍ വിഷയത്തില്‍ നിലപാട് പറഞ്ഞത്. ഇതിന് ശേഷമാണ് ആര്‍.എസ്.എസ് ഉള്‍പ്പെടെയുള്ള ഹൈന്ദവ സംഘടനകള്‍ ദേശീയതലത്തില്‍ ഇതൊരു പ്രചരണ വിഷയമാക്കി മാറ്റിയത്.
”20 കൊല്ലം കഴിയുമ്പോള്‍ കേരളം ഒരു മുസ്ലീം രാജ്യമാകും. മുസ്ലീം ഭൂരിപക്ഷമാകും. ചെറുപ്പക്കാരായ ആളുകളെയെല്ലാം തന്നെ സ്വാധീനിച്ചിട്ട്. പണം കൊടുത്തിട്ട് അവരെ മുസ്ലീമാക്കുക, മുസ്ലീം യുവതികളെ കല്യാണം കഴിക്കുക, മുസ്ലീം ജനിക്കുക…ആ തരത്തിലിങ്ങനെ… മുസ്ലീം സമുദായത്തിന് ഭൂരിപക്ഷമുണ്ടാക്കുക, ഇതാണ് നടപ്പാക്കിക്കൊണ്ടിരിക്കുന്ന പദ്ധതി” ഇതായിരുന്നു വിഎസിന്റെ വാക്കുകള്‍.
മുഖ്യമന്ത്രിയായിരുന്ന കാലത്ത് ഡല്‍ഹിയില്‍ വച്ചുനടന്ന മീറ്റിങ്ങിനിടെയിലാണ് ലൗജിഹാദിനെക്കുറിച്ച് വി എസ് അച്യുതാനന്ദന്‍ വാചാലനായത്. കൃത്യമായി പറഞ്ഞാല്‍ 2010 ഒക്ടോബര്‍ 24ാം തീയതി ആയിരുന്നു വെളിപ്പെടുത്തല്‍ നടത്തിയത്. ‘ ഹിന്ദു പെണ്‍കുട്ടികളെ മുസ്ലീം ചെറുപ്പക്കാര്‍ കല്യാണം കഴിച്ച്, 20 വര്‍ഷം കൊണ്ട് കേരളത്തെ ഒരു മുസ്ലിം പ്രദേശമാക്കി മാറ്റും എന്നായിരുന്നു അച്യുതാനന്ദന്‍ പറഞ്ഞത്.
അച്യുതാനന്ദന്റെ ഈ പ്രസ്താവനയെ അന്ന് സി.പി.എം ഒരു ഘട്ടത്തില്‍ പോലും എതിര്‍ക്കുകയോ തള്ളിക്കളയുകയോ ചെയ്തിരുന്നില്ല എന്നതും ശ്രദ്ധേയമാണ്. മലപ്പുറം ജില്ലയില്‍ നിന്നുള്ള വിദ്യാര്‍ഥികള്‍ മത്സരപ്പരീക്ഷകളില്‍ മുന്നിലെത്തുന്നതിന് പിന്നില്‍ ദുരൂഹതയുണ്ടെന്ന് പറഞ്ഞതും ഇതേ വി എസ് തന്നെയാണ്. മലപ്പുറത്തെ വിദ്യാര്‍ത്ഥികള്‍ കോപ്പിയടിച്ചാണ് പരീക്ഷയിലും എന്‍ട്രന്‍സിലും മറ്റും വിജയിക്കുന്നതെന്ന ആക്ഷേപമായിരുന്നു വിഎസ് ഉന്നയിച്ചത്. ഈ ആരോപണവും പാര്‍ട്ടി നിഷേധിച്ചിരുന്നില്ല.

Related Articles

Back to top button

Adblock Detected

Please consider supporting us by disabling your ad blocker