BREAKING NEWSLATESTSPECIALWORLD

വായനയുടെ വിളംബരവുമായി ഇന്ന് ലോക പുസ്തകദിനം

എല്ലാ വര്‍ഷവും ഏപ്രില്‍ 23 നാണ് ലോക പുസ്തകദിനം യുനെസ്‌കോ ആഘോഷിക്കുന്നത്. ഏറ്റവും നല്ല സുഹൃത്തുക്കളും, വഴികാട്ടികളും, തത്ത്വചിന്തകരും പുസ്തകങ്ങളാണ് എന്ന തിരിച്ചറിവിലാണത്.
ലോക സാഹിത്യത്തിന്റെ പ്രതീകാത്മകദിനം കൂടിയാണ് ഏപ്രില്‍ 23. പതിനേഴാം നൂറ്റാണ്ടില്‍ സാഹിത്യത്തിനു നഷ്ടമായ ഷേക്‌സ്പിയറുടേയും സെര്‍വാന്റസിന്റേയും ചരമദിനം കൂടിയാണത്.
അതിനാല്‍, മഹാന്മാരായ സാഹിത്യകാരന്മാര്‍ക്ക് ആദരാഞ്ജലി അര്‍പ്പിക്കാന്‍ കൂടി ആ ദിവസം തിരഞ്ഞെടുത്തു.
പുസ്തകവായനയെ പ്രോത്സാഹിപ്പിക്കുന്നതിനൊപ്പം പുസ്തക പ്രസാധനത്തെയും പകര്‍പ്പവകാശത്തെയും സംരക്ഷിക്കുക എന്നതുകൂടി ഈ ദിനത്തിന്റെ സന്ദേശമാണ്.
ലോക പുസ്തകപകര്‍പ്പവകാശ ദിനമായാണ് ഇന്ന് ആചരിക്കുന്നത്. വായനയിലേയ്ക്ക് കൂടുതല്‍ ആളുകളെ ആകര്‍ഷിക്കുക, വായന ആസ്വദിക്കുക എന്നതാണ് ഞങ്ങളുടെ ലക്ഷ്യം. ഈ വര്‍ഷത്തെ ലോക പുസ്തകത്തിന്റെയും പകര്‍പ്പവകാശ ദിനത്തിന്റെയും ആഘോഷമായി യുനെസ്‌കോ അവരുടെ വെബ്‌സൈറ്റില്‍ഒരു ‘ബുക്ക്‌ഫേസ്’ ചാലഞ്ചും ഏര്‍പ്പെടുത്തിയിട്ടുണ്ട്.
ഓരോ വര്‍ഷവും, യുനെസ്‌കോയും പുസ്തക വ്യവസായത്തിലെ മൂന്ന് പ്രധാന മേഖലകളെ പ്രതിനിധീകരിക്കുന്ന അന്താരാഷ്ട്ര സംഘടനകളും അതായത് , പ്രസാധകര്‍, പുസ്തക വില്‍പ്പനക്കാര്‍, ലൈബ്രറികള്‍ എന്നിവര്‍ ചേര്‍ന്ന് ഒരു വര്‍ഷത്തേക്ക് ലോകത്തിലെ ഒരു നഗരത്തെ പുസ്തക തലസ്ഥാനമായി തിരഞ്ഞെടുക്കുന്നു. ഇതു പ്രകാരം , യുനെസ്‌കോ ഇത്തവണ ലോക പുസ്തക തലസ്ഥാനമായി തിരഞ്ഞെടുത്തിരിക്കുന്നത് ജോര്‍ജിയയിലെ ടിബിലിസി നഗരമാണ്.
ഡിജിറ്റലിന്റെ കടന്നു വരവോടെ പുസ്തകങ്ങള്‍ കുറയുന്നു വായന മരിക്കുന്നു എന്ന വിലാപമാണുയരുന്നത്. എന്നാല്‍ ഇന്നത്തെ ദിവസത്തിലൂടെ സാംസ്‌കാരികമായ നമ്മുടെ മൂല്യങ്ങളെ തിരിച്ചു പിടിക്കുകയാണ് ചെയ്യേണ്ടത്. ഇതിനായി ഇന്ന് ലോകത്തുള്ള എഴുത്തുകാരും പ്രസാധകരും ഒന്നിക്കുകയാണ്. നമുക്കും അവര്‍ക്കൊപ്പം ചേരാം

Related Articles

Back to top button