BREAKING NEWSGULFNRIWORLD

വെറുതെ ആരും ലെഡ്ഡു പൊട്ടിക്കെണ്ട… മദ്യത്തിനുള്ള നിരോധനം തുടരുമെന്ന് സൗദി

സൗദി: സൗദി അറേബ്യയില്‍ മദ്യത്തിനുള്ള നിരോധനം എടുത്ത് മാറ്റിയെന്ന് കഴിഞ്ഞ ദിവസം മുതല്‍ സോഷ്യല്‍ മീഡിയയില്‍ വലിയ ചര്‍ച്ചകള്‍ നടക്കുന്നുണ്ട്. എന്നാല്‍ ഈ പ്രചരണം അടിസ്ഥാന രഹിതമെന്ന് സൗദി അധികൃതര്‍ അറിയിച്ചു. രാജ്യത്ത് എവിടെയും മദ്യം നിര്‍മ്മിക്കാനും വില്‍ക്കാനും അനുവദിക്കില്ലെന്ന് അധികൃതര്‍ അറിയിച്ചു. സൗദിയിലെ വിനോദ സഞ്ചാര കേന്ദ്രങ്ങളില്‍ മദ്യത്തിന് അനുമതി നല്‍ക്കിയിട്ടുണ്ടെന്നായിരുന്നു സോഷ്യല്‍ മീഡിയയില്‍ പ്രചാരണം നടന്നത്. പ്രചരണം ശ്രദ്ധയില്‍പെട്ട സാഹചര്യത്തിലാണ് വിശദീകരണവുമായി അധികൃതര്‍ രംഗത്തെത്തിയത്. സൗദി ടൂറിസം മന്ത്രാലയം ആണ് ഇക്കാര്യത്തില്‍ വ്യക്തത വരുത്തിയത്.
സൗദിയില്‍ മദ്യം വില്‍ക്കുന്ന കാര്യത്തെ കുറിച്ച് ചര്‍ച്ചകള്‍ ഒന്നും നടന്നിട്ടില്ലെന്ന് സൗദി ടൂറിസം മന്ത്രി അഹമ്മദ് അല്‍ഖത്തീബ് വ്യക്തമാക്കി. മദ്യപാനം സൗദിയില്‍ ഗുരുതര കുറ്റമാണ്. നിയമം ലംഘിച്ച് ആരെങ്കിലും മദ്യം നിര്‍മ്മിച്ചാല്‍ കടുത്ത ശിക്ഷ ലഭിക്കും. മദ്യം നിര്‍മ്മിക്കുന്നത് വിദേശി ആണെങ്കില്‍ ശിക്ഷ അനുഭവിച്ച ശേഷം നാടുകടത്തും.
സൗദിയില്‍ എത്തുന്ന ടൂറിസ്റ്റുകള്‍ക്കിടയില്‍ ഒരു സര്‍വേ നടത്തിയിരുന്നു. ഇത് പ്രകാരം മദ്യ നിരോധനത്തെക്കുറിച്ച് പരാതികള്‍ ലഭിച്ചിട്ടില്ലെന്നാണ് സൗദി ടൂറിസം മന്ത്രി അഹമ്മദ് അല്‍ഖത്തീബ് പറഞ്ഞത്. സൗദിയിലെ വിനോദ സഞ്ചാര മേഖലയില്‍ വലിയ മാറ്റങ്ങള്‍ ആണ് അടുത്ത അഞ്ച് വര്‍ഷത്തിന് ഉള്ളില്‍ ഉണ്ടാകാന്‍ പോകുന്നത്. അഞ്ച് കോടി പേരെ രാജ്യത്തേക്ക് ആകര്‍ഷിക്കുന്ന തരത്തിലുള്ള പദ്ധതികള്‍ ആണ് സൗദി ഇപ്പോള്‍ ആസൂത്രണം ചെയ്യുന്നത്. വിനോദ സഞ്ചാരികളെ ലക്ഷ്യമിട്ടുള്ള ഹോളിഡേ പാക്കേജുകള്‍, ഓഫറുകള്‍ എന്നിവയും അവരെ പ്രോത്സാഹിപ്പിക്കുന്നതിനുള്ള പല പദ്ധതികളും ടൂറിസം മന്ത്രാലയം ആവിഷ്‌കരിച്ച് കൊണ്ടിരിക്കുകയാണെന്ന് അധികൃതര്‍ അറിയിച്ചു.

Related Articles

Back to top button

Adblock Detected

Please consider supporting us by disabling your ad blocker