KERALALATEST

സി എന്‍ മോഹനന്‍ സിപിഎം എറണാകുളം ജില്ലാ സെക്രട്ടറി; ജില്ലാ കമ്മിറ്റിയില്‍ ആറു വനിതകള്‍; സെക്രട്ടേറിയറ്റിലും വനിതാ പ്രാതിനിധ്യം

കൊച്ചി: സിപിഎം എറണാകുളം ജില്ലാ സെക്രട്ടറിയായി സി എന്‍ മോഹനന്‍ തുടരും. 46 അംഗ ജില്ലാ കമ്മിറ്റിയെ ജില്ലാ സമ്മേളനം തെരഞ്ഞെടുത്തു. ജില്ലാ കമ്മിറ്റിയില്‍ ആറു വനിതകളെ ഉള്‍പ്പെടുത്തി. 12 അംഗ ജില്ലാ സെക്രട്ടേറിയറ്റിനെയും തെരഞ്ഞെടുത്തിട്ടുണ്ട്.

സെക്രട്ടേറിയറ്റില്‍ ഒരു വനിത ഇടംനേടി. പുഷ്പ ദാസ് ആണ് സെക്രട്ടേറിയറ്റില്‍ ഇടംനേടിയ വനിത. പുതുതായി കോതമംഗലം മുന്‍ ഏരിയാ സെക്രട്ടറി ആര്‍ അനില്‍കുമാര്‍ ജില്ലാ സെക്രട്ടേറിയറ്റില്‍ ഇടംപിടിച്ചു.

ജില്ലാ കമ്മിറ്റിയില്‍ 12 പേര്‍ പുതുമുഖങ്ങളാണ്. കളമശ്ശേരിയില്‍ നടന്ന ജില്ലാ സമ്മേളനം മോഹനനെ ഏകകണ്ഠമായാണ് സെക്രട്ടറിയായി തെരഞ്ഞെടുത്തത്. 2018 മുതല്‍ ജില്ലാ സെക്രട്ടറിയായി പ്രവര്‍ത്തിച്ചുവരികയാണ് സി എന്‍ മോഹനന്‍.

1994 മുതല്‍ 2000 വരെ ഡിവൈഎഫ്‌ഐ സംസ്ഥാന പ്രസിഡന്റായിരുന്നു. 2000 മുതല്‍ 2005 വരെ കോലഞ്ചേരി ഏരിയാ സെക്രട്ടറിയായിരുന്നു. 2012 ല്‍ സംസ്ഥാന കമ്മിറ്റി അംഗമായി. പതിനൊന്നുവര്‍ഷം ദേശാഭിമാനി കൊച്ചി യൂണിറ്റ് മാനേജരായിരുന്നു.

2016 മുതല്‍ ജിസിഡിഎ ചെയര്‍മാനായും പ്രവര്‍ത്തിച്ചു. പി രാജീവ് സംസ്ഥാന സെക്രട്ടറിയറ്റ് അംഗമായി തെരഞ്ഞെടുക്കപ്പെട്ടതിനെ തുടര്‍ന്ന് 2018 ജൂണ്‍ 20 ന് മോഹനന്‍ ജില്ലാ സെക്രട്ടറിയായി.

Related Articles

Back to top button

Adblock Detected

Please consider supporting us by disabling your ad blocker