LATESTBOLLYWOODENTERTAINMENTGULFNRI

സ്വവര്‍ഗാനുരാഗം; എറ്റേണല്‍സ് സിനിമയ്ക്ക് പ്രദര്‍ശനാനുമതി നിഷേധിച്ച് സൗദിയും

റിയാദ്: മാര്‍വെല്‍സ് സ്റ്റുഡിയോയുടെ സൂപ്പര്‍ഹീറോ അഡ്വഞ്ചര്‍ ചിത്രം എറ്റേണല്‍സ് നിലവിലെ സാഹചര്യത്തില്‍ സൗദി അറേബ്യയില്‍ പ്രദര്‍ശിപ്പിക്കാനാവില്ലെന്ന് അധികൃതര്‍. സ്വവര്‍ഗാനുരാഗവുമായി ബന്ധപ്പെട്ട ദൃശ്യങ്ങള്‍ അടങ്ങിയതാണ് 20 കോടി ഡോളര്‍ ചിത്രത്തിന് സൗദി അനുമതി നിഷേധിച്ചത്. സൗദിയിലെ ഓഡിയോ വിഷ്വല്‍ മീഡിയ നിയമ പ്രകാരമുള്ള ഭേദഗതികള്‍ വരുത്തിയാല്‍ മാത്രമേ ചിത്രം രാജ്യത്ത് പ്രദര്‍ശിപ്പിക്കാനാവൂ എന്ന് വിതരണക്കാരായ ഡിസ്‌നി എന്റര്‍ടെയിന്‍മെന്റിനെ അറിയിച്ചിട്ടുണ്ടെന്നും എന്നാല്‍ അനുകൂലമായ തീരുമാനം അവരുടെ ഭാഗത്ത് നിന്നുണ്ടായിട്ടില്ലെന്നും സൗദി ജനറല്‍ കമ്മീഷന്‍ ഫോര്‍ ഓഡിയോ വിഷ്വല്‍ മീഡിയ വക്താവ് ഉമര്‍ അബൂബക്കര്‍ അറിയിച്ചു. സെന്‍സര്‍ ബോര്‍ഡ് നീക്കാന്‍ ആവശ്യപ്പെട്ട രംഗങ്ങള്‍ മാറ്റാതെ പ്രദര്‍ശനാനുമതി നല്‍കാനാവില്ലെന്നും അദ്ദേഹം വ്യക്തമാക്കി.
സൗദി അറേബ്യയ്ക്കു പുറമെ, ഖത്തര്‍, കുവൈറ്റ്, ഒമാന്‍, ബഹ്‌റൈന്‍ എന്നീ രാജ്യങ്ങളും ഇതേ കാരണത്താല്‍ ചിത്രത്തിന് വിലക്കേര്‍പ്പെടുത്തിയിരിട്ടുണ്ട്. നവംബര്‍ 11ന് മിഡില്‍ ഈസ്റ്റ് രാജ്യങ്ങളില്‍ ചിത്രം റിലീസ് ചെയ്യാനായിരുന്നു തീരുമാനം. എന്നാല്‍ സ്വവര്‍ഗാനുരാഗവുമായി ബന്ധപ്പെട്ട ദൃശ്യങ്ങള്‍ നീക്കാനാവില്ലെന്ന ഡിസ്‌നിയുടെ നിലപാടിനെ തുടര്‍ന്ന് ഇത് അനിശ്ചിതത്വത്തിലായിരിക്കുകയാണ്. ഈ രാജ്യങ്ങളുടെയെല്ലാം സിനിമാ വെബ്‌സൈറ്റുകളില്‍ നിന്നും എറ്റേണല്‍സ് പ്രദര്‍ശനത്തിന്റെ ഷെഡ്യൂളുകളും വാര്‍ത്തകളും ഒഴിവാക്കിയിട്ടുണ്ട്. എന്നാല്‍, യുഎഇ ഇതുവരെ ചിത്രത്തിന് വിലക്കേര്‍പ്പെടുത്തിയിട്ടില്ല. യുഎഇയുടെ സിനിമാ വെബ്‌സൈറ്റുകളില്‍ ഇപ്പോഴും, ‘കംമിംഗ് സൂണ്‍’ കാറ്റഗറിയില്‍ എറ്റേണല്‍സ് ഉണ്ട്.
മാര്‍വെല്‍ സിനിമാറ്റിക് യൂണിവേഴ്‌സ് ആദ്യമായാണ് തങ്ങളുടെ ചിത്രത്തില്‍ ഗേ സൂപ്പര്‍താരങ്ങളെ കഥാപാത്രങ്ങളായി ഉള്‍പ്പെടുത്തുന്നത്. നടന്‍ ഹാസ് സ്ലെയ്മന്‍, ബ്രിയന്‍ ടെയ്‌റീ ഹെന്റി എന്നിവരാണ് എറ്റെര്‍ണല്‍സിലെ ഗേ കഥാപാത്രങ്ങളെ അവതരിപ്പിക്കുന്നത്. ഗള്‍ഫ് രാജ്യങ്ങളില്‍ ഹോളിവുഡ് സിനിമകള്‍ പ്രദര്‍ശിപ്പിക്കുമ്പോള്‍ സാധാരണയായി ചിത്രത്തിലെ ലൈംഗിക ദൃശ്യങ്ങള്‍ പലതും സെന്‍സര്‍ ചെയ്യപ്പെടാറുണ്ടെങ്കിലും എറ്റേണല്‍സിലെ സ്വവര്‍ഗാനുരാഗ ദൃശ്യങ്ങള്‍ മാറ്റാന്‍ നിര്‍മാതാക്കള്‍ വിസമ്മതിക്കുകയായിരുന്നു. എറ്റേര്‍ണല്‍സില്‍ ഗേ കഥാപാത്രങ്ങളെ ഉള്‍പ്പെടുത്തിയ ഡിസ്‌നിയുടെ തീരുമാനം അന്താരാഷ്ട്ര തലത്തില്‍ ശ്രദ്ധിക്കപ്പെട്ടതാണ്. ഈ സാഹചര്യത്തില്‍ ഗള്‍ഫ് രാജ്യങ്ങളില്‍ ഗേ സീനുകള്‍ ഒഴിവാക്കുന്നത് വ്യാപക വിമര്‍ശനത്തിനിടയാകാനും സാധ്യതയുണ്ട്.

Related Articles

Back to top button

Adblock Detected

Please consider supporting us by disabling your ad blocker