ENTERTAINMENTMALAYALAM

‘സിനിമകള്‍ വിജയിച്ചപ്പോഴുണ്ടായ അഹങ്കാരത്തിന്റെ പുറത്ത് കാട്ടിക്കൂട്ടിയതാണ്, എല്ലാവരും പൊറുക്കണമെന്ന് ഷൈന്‍ ടോം ചാക്കോ

 

ഇപ്പോള്‍ തന്നിലുണ്ടായ മാറ്റത്തെക്കുറിച്ച് തുറന്നു പറഞ്ഞിരിക്കുകയാണ് ഷൈന്‍ ടോം ചാക്കോ.കഴിഞ്ഞ കുറച്ച് കാലമായി, വളരെ മോശപ്പെട്ട പെരുമാറ്റവും പ്രവൃത്തികളും ചെയ്തുകൊണ്ടിരിക്കുകയാണ് താനെന്നാണ് ഷൈന്‍ പറഞ്ഞത്. സിനിമകള്‍ വിജയിച്ചതിന്റെ അഹങ്കാരത്തിന്റെ പുറത്ത് കാട്ടിക്കൂട്ടിയതാണ് ഇതെല്ലാമെന്നും എല്ലാവരും പൊറുക്കണം എന്നുമാണ് താരം കുറിച്ചത്. പുതിയ ചിത്രം തല്ലുമാലയുടെ ട്രെയിലര്‍ ലോഞ്ച് ചടങ്ങിനിടെയായിരുന്നു താരത്തിന്റെ തുറന്നു പറച്ചില്‍.

‘കഴിഞ്ഞ കുറച്ച് കാലമായി, വളരെ മോശപ്പെട്ട പെരുമാറ്റവും പ്രവൃത്തികളും ചെയ്തുകൊണ്ടിരിക്കുന്ന ഒരു വ്യക്തിയാണ് ഞാന്‍. കാരണം കുറുപ്പ് ഭീഷ്മപര്‍വ്വം എന്നീ സിനിമകള്‍ വളരെ അധികം ആളുകള്‍ കാണുകയും ആളുകള്‍ക്ക് ഇഷ്ടപെടുകയും ചെയ്തപ്പോള്‍ എന്റെ ഉള്ളില്‍ ഉണ്ടായിരുന്ന ഒരു അഹങ്കാരം. അതുകൊണ്ടൊക്കെയാണ് ഇങ്ങനെയൊക്കൊ സംസാരിച്ചത്. നമ്മള്‍ ചെയ്തൊരു വര്‍ക്ക് ആളുകളിലേക്ക് എത്തുകയും ആളുകള്‍ അംഗീകരിക്കുകയും ചെയ്യുമ്പോള്‍ നമുക്ക് കിട്ടുന്ന ഒരു എനര്‍ജിയുണ്ട്. അത് നിങ്ങള്‍ തന്നെ തരുന്ന ഒരു എനര്‍ജിയാണ്. അതാണ് എന്നിലൂടെ പുറത്തേക്ക് വന്നത്. അത് മൂലം ഉണ്ടാകുന്ന ചെറിയൊരു അഹങ്കാരത്തിന്റെ പുറത്ത് കാട്ടിക്കൂട്ടിയതാണ് എല്ലാവരും പൊറുക്കണം.’- ഷൈന്‍ ടോം ചാക്കോ പറഞ്ഞു.

ഖാലിദ് റഹ്മാന്‍ സംവിധാനം ചെയ്യുന്ന തല്ലുമാലയില്‍ പൊലീസ് ഉദ്യോഗസ്ഥനായാണ് ഷൈന്‍ ടോം എത്തുന്നത്. കല്യാണി പ്രിയദര്‍ശനാണ് ചിത്രത്തിലെ നായികയായി എത്തുന്നത്. പന്ത്രണ്ട്, അടിത്തട്ട് എന്നീ സിനിമകളാണ് ഷൈനിന്റേതായി ഇതിനു മുന്‍പ് പുറത്തിറങ്ങിയത്. ആ?ഗസ്റ്റ് 12നാണ് ചിത്രം തിയറ്ററിലെത്തുന്നത്.

Related Articles

Back to top button