KERALALATEST

നടിയെ ആക്രമിച്ച കേസ്; വിചാരണ ഈ മാസം 16 വരെ നിര്‍ത്തിവെക്കാന്‍ ഹൈക്കോടതി ഉത്തരവ്‌

കൊച്ചി : നടിയെ ആക്രമിച്ച കേസിന്റെ വിചാരണ ഈ മാസം 16 വരെ നിര്‍ത്തിവെക്കാന്‍ ഹൈക്കോടതി ഉത്തരവ്. സര്‍ക്കാര്‍ അഭിഭാഷകന്‍ ക്വാറന്റീനില്‍ ആയതിനാലാണ് നടപടി. നേരത്തെ വിചാരണ നടപടികള്‍ ഇന്നുവരെയാണ് ഹൈക്കോടതി സ്‌റ്റേ ചെയ്തിരുന്നത്.

വിചാരണ കോടതി പക്ഷപാതപരമായി പെരുമാറുന്നുവെന്നും, കോടതിയില്‍ നിന്നും നീതി ലഭിക്കുമെന്ന് പ്രതീക്ഷയില്ലെന്നും ചൂണ്ടിക്കാട്ടി ആക്രമിക്കപ്പെട്ട നടി നേരത്തെ ഹൈക്കോടതിയെ സമീപിച്ചിരുന്നു. നടിയെ പിന്തുണച്ച് സംസ്ഥാന സര്‍ക്കാരും വിചാരണ കോടതിക്കെതിരെ കോടതിയില്‍ അപേക്ഷ നല്‍കിയിരുന്നു.

ഈ ഹര്‍ജികള്‍ ഹൈക്കോടതി ഇന്നു പരിഗണിക്കാനിരിക്കുകയായിരുന്നു. ഇതിനിടെയാണ് കേസില്‍ ഹാജരാകേണ്ട അഭിഭാഷന്‍ ക്വാറന്റീനിലായത്. ഇതേത്തുടര്‍ന്ന് കേസ് പരിഗണിക്കുന്നത് മാറ്റുകയായിരുന്നു. നടിയെ ആക്രമിച്ച കേസില്‍ സാക്ഷിയായ മഞ്ജു വാര്യര്‍ പറഞ്ഞ പല കാര്യങ്ങളും കോടതി രേഖപ്പെടുത്തിയില്ലെന്ന് സര്‍ക്കാര്‍ അഭിഭാഷകന്‍ ഹൈക്കോടതിയെ അറിയിച്ചിരുന്നു.

Related Articles

Back to top button