WEB MAGAZINEPOEM

കുറിപ്പുകൾ

പ്രജീഷ ജയരാജ്

ഒറ്റപ്പെട്ട തുരുത്തിൽ
തെളിഞ്ഞ ചില വസന്തങ്ങൾ
അറിയാതെ പൂത്ത ചില
സ്പന്ദനങ്ങൾ
പിറവിക്കുമപ്പുറം ചില
അദൃശ്യനൂലാൽ ബന്ധിപ്പിച്ചവ
ഇന്ന് ഒരുമിച്ച് അരികുപറ്റി
അകലുന്ന ചില സമദൂര സിദ്ധാന്തങ്ങൾ പോലെ
എത്രയിഷ്ടമെങ്കിലും ചേർത്ത്
നിർത്താൻ കഴിയാതെ പോവുന്ന
മൗനാക്ഷരങ്ങൾ
സ്വപ്നത്തിനു മുൻപ് പൂർണ്ണമായ് തെളിയുന്നവ
ഉണരുമ്പോൾ മങ്ങലേൽക്കുന്നവ
എന്നിട്ടുമിനിയുള്ളവയെ  ഞാൻ പതിരില്ലാതെ
കുറിക്കുകയാണ് ഇനിയൊരിക്കലേക്ക്
മാറ്റിവയ്ക്കാതെ..

Related Articles

Back to top button

Adblock Detected

Please consider supporting us by disabling your ad blocker