BREAKING NEWSLATESTNATIONALTOP STORY

ഭീകരസംഘടനയുമായി ബന്ധമുള്ള അഞ്ചുപേര്‍ ഡല്‍ഹിയില്‍ പിടിയില്‍

ന്യൂഡല്‍ഹി : ന്യൂഡല്‍ഹിയില്‍ ഭീകരസംഘടനയുമായി ബന്ധമുള്ള അഞ്ചുപേരെ പൊലീസ് പിടികൂടി. ഡല്‍ഹി ഷക്കര്‍പൂര്‍ മേഖലയില്‍ നിന്നാണ് ഇവരെ ഏറ്റുമുട്ടലിനൊടുവില്‍ കീഴ്‌പ്പെടുത്തിയത്. പിടിയിലായവരില്‍ രണ്ടു പേര്‍ പഞ്ചാബുകാരും മൂന്നു പേര്‍ കശ്മീരികളുമാണെന്ന് പൊലീസ് അറിയിച്ചു.

പാക് ചാരസംഘടനയായ ഐഎസ്‌ഐ ഇവരെ പിന്തുണയ്ക്കുന്നുണ്ടെന്നാണ് സംശയമെന്ന് സ്‌പെഷല്‍ സെല്‍ ഡിസിപി പ്രമോദ് കുശ് വാഹ പറഞ്ഞു. ഭീകരസംഘടനയ്ക്ക് വേണ്ടി മയക്കുമരുന്ന് കടത്തുന്ന സംഘത്തില്‍പ്പെട്ടവരാണ് ഇവരെന്നാണ് പൊലീസിന്റെ നിഗമനം.

ഇവരില്‍ നിന്നും നിരവധി ആയുധങ്ങള്‍ അടക്കം കണ്ടെടുത്തിട്ടുണ്ട്. ഇവരെ ചോദ്യം ചെയ്തു വരികയാണെന്നും, ഏത് ഭീകരസംഘടനയുമായി ബന്ധപ്പെട്ട് പ്രവര്‍ത്തിക്കുന്നവരാണെന്ന് ഇതുവരെ സ്ഥിരീകരിച്ചിട്ടില്ലെന്നും ഡിസിപി വ്യക്തമാക്കി.

Related Articles

Back to top button