BREAKING NEWSLATESTWORLD

അങ്ങനല്ല…ദാ ഇങ്ങനെ; കരടിക്കുട്ടിയെ പാര്‍ക്കിലെ സ്ലൈഡില്‍ തെന്നിക്കളിക്കാന്‍ പഠിപ്പിക്കുന്ന അമ്മക്കരടി അല്ലേ താരം

മനുഷ്യര്‍ക്ക് സമാനമായി കുറെയൊക്കെ ബുദ്ധിയുള്ള മൃഗമായാണ് കുരങ്ങനെ കണക്കാക്കാറുള്ളത്. അതെ സമയം കരടികളെ ഇത്തരത്തില്‍ ബുദ്ധിയുള്ള മൃഗമായി ആരെങ്കിലും വിശേഷിപ്പിക്കുന്നത് നിങ്ങള്‍ കേട്ടിട്ടുണ്ടോ? കുറവായിക്കും. ഒരു സ്‌കൂളിലെ പാര്‍ക്കില്‍ അമ്മക്കരടി തന്റെ കുഞ്ഞിന് എങ്ങനെയാണ് സ്ലൈഡ് ഉപയോഗിക്കേണ്ടത് എന്ന് പഠിപ്പിച്ചുകൊടുക്കുന്ന വീഡിയോ കണ്ടാല്‍ ഒരുപക്ഷെ നിങ്ങളും പറയും കരടി ബുദ്ധിയുള്ള മൃഗമാണ് എന്ന്.
നോര്‍ത്ത് കരോലിനയിലെ ആഷെവില്ലെയിലെ ഐസക് ഡിക്‌സണ്‍ എലിമെന്ററി സ്‌കൂളിലെ അധ്യാപികയായ ബെറ്റ്‌സി സ്റ്റോക്സ്ലാഗര്‍ ആണ് അവിശ്വസനീയം എന്ന് പറയേണ്ട വീഡിയോ ക്യാമെറയില്‍ പകര്‍ത്തിയത്. ‘എന്റെ ദിവസം ധന്യമായി, ഇത് സ്‌കൂളിലെ കളിസ്ഥലം. അമ്മ കരടി എങ്ങനെ വലിയ സ്ലൈഡിലുടെ ആസ്വദിച്ചു ഇറങ്ങാം എന്ന് കരടിക്കുഞ്ഞിന് കാണിച്ചു കൊടുക്കുന്നു’ ബെറ്റ്‌സി സ്റ്റോക്സ്ലാഗര്‍ എഴുതി.
അമ്മ കരടി സ്ലൈഡിന് പുറകിലുള്ള സ്റ്റെപ്പിലൂടെ സ്ലൈഡിലേക്ക് കയറുന്നതാണ് വീഡിയോയുടെ തുടക്കത്തില്‍. എന്നിട്ട് കരടികുഞ്ഞിനോടും സ്റ്റെപ് കയറാന്‍ ആവശ്യപ്പെടുന്നു. അല്പം അന്ധാളിച്ചു നില്‍ക്കുന്നുണ്ട് എങ്കിലും ഒടുവില്‍ കരടികുഞ്ഞും സ്റ്റെപ് കയറുന്നു. തുടര്‍ന്ന് അമ്മക്കരടി ഏറ്റവും വലിയ സ്ലൈഡില്‍ കയറിയിരുന്ന് താഴേക്ക് ആസ്വദിച്ചിറങ്ങുന്നത് കാണാം. കരടികുഞ്ഞ് അതെ സമയം ചെറിയ സ്ലൈഡിന്റെ അടുത്തേക്ക് നീങ്ങുന്നു. ഇതേ സമയം താഴെയെത്തിയ അമ്മക്കരടി കുഞ്ഞ് കരടിയ്ക്ക് ആത്മവിശ്വാസം നല്‍കാന്‍ സ്ലൈഡിന്റ താഴെ ചെന്ന് നില്‍ക്കുന്നത് കാണാം. ഒടുവില്‍ സ്ലൈഡിലേക്ക് കയറി ഇരുന്ന് അല്പം പേടിയുണ്ടെങ്കിലും കരടികുഞ്ഞ് നിരങ്ങി അമ്മയുടെ അടുത്തേക്ക്.
3.3 ലക്ഷത്തിലധികം പേരാണ് ഫേസ്ബുക്കില്‍ പോസ്റ്റ് ചെയ്ത വീഡിയോ ഇതുവരെ കണ്ടിരിക്കുന്നത്. വ്യത്യസ്ത സോഷ്യല്‍ മീഡിയ പ്ലാറ്റ്‌ഫോമുകളിലുടനീളം വീഡിയോ പിന്നെയും ഷെയര്‍ ചെയ്തിട്ടുണ്ട്. രസകരമായ പ്രതികാരങ്ങളാണ് വീഡിയോയ്ക്ക് കീഴെ കമന്റുകളായി പോസ്റ്റ് ചെയ്തിരിക്കുന്നത്. ഏറെക്കുറെ എല്ലാവരും ഒരു കാര്യം സമ്മതിക്കുന്നു. കരടിയെ വിലകുറച്ച് കാണരുത്, നല്ല ബുദ്ധിയുള്ള മൃഗമാണ് ഇവര്‍.

https://www.youtube.com/watch?v=o9pAG869wT0

Related Articles

Back to top button