തിരുവനന്തപുരം: കോഴിക്കോട്ട് നിപ വൈറസ് സ്ഥിരീകരിച്ചതിനു പിന്നാലെ തിരുവനന്തപുരത്തും ആശങ്ക. സംശയകരമായ ലക്ഷണങ്ങളോടെ മെഡിക്കല്‍ കോേളജില്‍ ചികിത്സതേടിയെത്തിയ തിരുവനന്തപുരം ഡെന്റല്‍ കോളജ് വിദ്യാര്‍ഥിയെ നിരീക്ഷണത്തിലാക്കി.
പനി ബാധിച്ച് ചികിത്സയ്‌ക്കെത്തിയ വിദ്യാര്‍ഥിക്ക് സംശയകരമായ ലക്ഷണങ്ങള്‍ കണ്ടതോടെ പ്രത്യേകം സജ്ജീകരിച്ച മുറിയില്‍ നിരീക്ഷണത്തിലാക്കി. കടുത്ത പനിയെത്തുടര്‍ന്ന് ചൊവ്വാഴ്ച രാവിലെയാണ് ഇയാള്‍ ആശുപത്രിയിലെത്തിയത്. ശരീരസ്രവങ്ങള്‍ കൂടുതല്‍ പരിശോധനയ്ക്കായി പുണെയിലെ വൈറോളജി ഇന്‍സ്റ്റിറ്റ്യൂട്ടിലേക്ക് അയച്ചു. വവ്വാല്‍ കടിച്ച പഴങ്ങള്‍ ഭക്ഷിച്ചതായി സംശയിക്കുന്നുവെന്ന് വിദ്യാര്‍ഥി പറഞ്ഞതോടെയാണ് പ്രത്യേക വാര്‍ഡിലേക്കു മാറ്റിയത്. പുണെ വൈറോളജി ഇന്‍സ്റ്റിറ്റ്യൂട്ടില്‍നിന്നുള്ള പരിശോധനാഫലം എത്തിയതിനു ശേഷമേ വ്യക്തത വരൂ.
BREAKING NEWSKERALALATEST
