“ഇന്ത്യ ട്വിറ്റർ മുൻ‌ഗണന നൽകുന്ന വിപണിയാണ്, അതിനാലാണ് ഞങ്ങൾ പുതിയ സവിശേഷതകൾ നിരന്തരം പരീക്ഷിക്കുന്നതും സേവനത്തെക്കുറിച്ചുള്ള ഇവിടത്തെ ആളുകളുടെ അനുഭവത്തിൽ നിന്ന് പഠിക്കുന്നതും. ഡയരക്ട് മെസേജ് വഴി ശബ്ദ സന്ദേശങ്ങൾ അയക്കുന്നതിനുള്ള പരീക്ഷണം രാജ്യത്തേക്ക് കൊണ്ടുവരുന്നതിലൂടെ ആളുകൾ‌ക്ക് സ്വന്തം ശബ്ദത്തിൽ സ്വയം പ്രകടിപ്പിക്കുന്നതിനു കഴിയു, ”ട്വിറ്റർ ഇന്ത്യ മാനേജിംഗ് ഡയറക്ടർ മനീഷ് മഹേശ്വരി പറഞ്ഞു.
ട്വിറ്ററിലെ വോയ്സ് റെക്കോർഡിംഗ് ഐക്കണിൽ ടാപ്പുചെയ്ത് ആൻഡ്രോയ്ഡ് ഉപയോക്താക്കൾക്ക് നിലവിലുള്ളതോ അല്ലെങ്കിൽ പുതിയതോ ആയ ചാറ്റിലേക്ക് വോയ്സ് സന്ദേശങ്ങൾ അയയ്ക്കാൻ കഴിയും. ശബ്ദ സന്ദേശം പൂർത്തിയായിക്കഴിഞ്ഞാൽ, ഐക്കണിൽ ടാപ്പുചെയ്ത് അയയ്ക്കാൻ കഴിയും. ഐഒഎസ് ഉപയോക്താക്കൾക്ക് അവരുടെ സന്ദേശം റെക്കോർഡുചെയ്യാനും ഹോൾഡ് ചെയ്യാനും ഓപ്ഷനുണ്ട്, തുടർന്ന് സ്വൈപ്പുചെയ്‌ത് റിലീസ് ചെയ്ത് അത് അയക്കാനാവും.
പുതിയ ഫീച്ചർ ആൻഡ്രോയ്ഡ്, ഐഒഎസ് ഉപകരണങ്ങളിലാണ് ലഭ്യമാകുന്നതെങ്കിലും, ഉപയോക്താക്കൾക്ക് ട്വിറ്ററിന്റെ വെബ് പതിപ്പിലും ഈ ശബ്ദ സന്ദേശങ്ങൾ കേൾക്കാൻ കഴിയും.
