LATESTBREAKING NEWSKERALA

തൃശൂർ പൂരം നടത്തിപ്പ്; അന്തിമ തീരുമാനം നാളെ

തൃശൂർ: തൃശൂർ പൂരം നടത്തുന്നതുമായി ബന്ധപ്പെട്ട നിയന്ത്രണങ്ങൾ സംബന്ധിച്ച് നാളെ തീരുമാനം എടുക്കും. നാളെ വീണ്ടും ചീഫ് സെക്രട്ടറിയുമായി യോ​ഗം ചേരും. കടുത്ത നിയന്ത്രണങ്ങൾ പൂരം നടത്തിപ്പിന് തടസമാകുമെന്ന് പാറമേക്കാവ്, തിരുവമ്പാടി ദേവസ്വങ്ങൾ വ്യക്തമാക്കി. നാളെ നടക്കുന്ന യോ​ഗത്തിൽ തീരുമാനം അറിയിക്കാമെന്ന് കലക്ടർ വ്യക്തമാക്കി.

രണ്ട് ഡോസ് വാക്സിൻ എടുത്തവരെ മാത്രമേ പൂരത്തിനെത്താൻ അനുവദിക്കു എന്ന നിബന്ധന മാറ്റണമെന്ന് ദേവസ്വങ്ങൾ ആവശ്യപ്പെട്ടു. ഒറ്റ ഡോസ് വാക്സിൻ എടുത്തവരേയും പ്രവേശിപ്പിക്കണമെന്നാണ് ഇരു ദേവസ്വങ്ങളും നിലപാടെടുത്തത്.

പാപ്പാൻമാരുടെ കാര്യത്തിലും ഇളവ് വേണമെന്നാണ് ഉയർന്ന മറ്റൊരു ആവശ്യം. എല്ലാ പാപ്പാൻമാരും ആർടിപിസിആർ ടെസ്റ്റ് നടത്തി കോവിഡ് നെ​ഗറ്റീവാണെന്ന് തെളിയിച്ചാൽ മാത്രമേ ആനയുമായി പൂരത്തിന് എത്താൻ കഴിയു എന്നാണ് നേരത്തെ എടുത്ത തീരുമാനം. എന്നാൽ ലക്ഷണമുള്ളവരെ മാത്രം പരിശോധിച്ചാൽ മതിയെന്ന നിർദ്ദേശമാണ് ദേവസ്വം അധികൃതർ മുന്നോട്ടുവച്ച ആവശ്യം.

 

Related Articles

Back to top button

Adblock Detected

Please consider supporting us by disabling your ad blocker