NRIGULF

ഹജ്ജ് കർമങ്ങൾ മൂന്നാം ദിവസത്തിലേക്ക് പ്രവേശിച്ചു

ഹജ്ജ് കർമങ്ങൾ മൂന്നാം ദിവസത്തിലേക്ക് പ്രവേശിച്ചു. മിനായിലെ ജംറകളിൽ തീർഥാടകർ കല്ലേറ് കർമം ആരംഭിച്ചു. ഹജ്ജ് തീർഥാടകരെ സംബന്ധിച്ചിടത്തോളം ഏറ്റവും തിരക്കേറിയ ദിവസമാണ് ഇന്ന്.

ഇന്നലെ പകൽ മുഴുവൻ അറഫയിലും രാത്രി മുസ്ദലിഫയിലും ആരാധനാ കർമങ്ങളുമായി കഴിഞ്ഞ ഹജ്ജ് തീർഥാടകർ ഇന്ന് പുലർച്ചെ മിനായിൽ തിരിച്ചെത്തി. മിനായിലെ ജംറകളിൽ തീർഥാടകർ കല്ലേറ് കർമം ആരംഭിച്ചു. ഇന്നലെ മുസ്ദലിഫയിൽ നിന്നും ശേഖരിച്ച കല്ലുകൾ കൊണ്ട് മൂന്നു ജംറകളിൽ പ്രധാനപ്പെട്ട ജംറതുൽ അഖബയിലാണ് ഇന്ന് തീർഥാടകർ കല്ലെറിയുന്നത്. 20 വീതം തീർഥാടകരടങ്ങുന്ന സംഘങ്ങളായി ജമ്രാ പാലത്തിലെത്തി കോവിഡ് മാനദണ്ഡങ്ങൾ പാലിച്ചാന് കല്ലേറ് കർമം നിർവഹിക്കുന്നത്.

തീർഥാടകരെ സംബന്ധിച്ചിടത്തോളം ഏറ്റവും തിരക്കേറിയ ദിവസമാണ് ഇന്ന്. ജംറയിലെ കല്ലേറ് കർമത്തിന് പുറമെ മക്കയിൽ പോയി വിശുദ്ധ കഅബയെ വലയം ചെയ്യുക, ബലി നല്കുക, മുടിയെടുക്കുക തുടങ്ങിയ കർമങ്ങളെല്ലാം നിർവഹിക്കും. ലബ്ബൈക്കല്ലാഹുമ്മ ലബ്ബൈക് എന്നു തുടങ്ങുന്ന മന്ത്രധ്വനികൾക്കു പകരം ഇന്ന് മുതൽ തീർഥാടകർ തക്ബീർ ധ്വനികൾ മുഴക്കി തുടങ്ങി. പുരുഷന്മാർ ഇഃറാമിന്റെ പ്രത്യേക വസ്ത്രം മാറ്റി ഇന്ന് സാധാരണ വസ്ത്രം ധരിക്കും. കർമങ്ങളെല്ലാം പൂർത്തിയാക്കി തീർഥാടകർ മിനായിലെ തംപുകളിൽ തന്നെ തിരിച്ചെത്തും. നാളെയും മറ്റന്നാളും മിനായിലെ തംപുകളിൽ താമസിച്ച് മൂന്നു ജംറകളിലും കല്ലേറ് കർമം നിർവഹിക്കും. വ്യാഴാഴ്ച വരെ ഹജ്ജ് കർമങ്ങൾ തുടരും.

കേരളത്തിൽ ബലി പെരുന്നാൾ ജൂലൈ 21നാണ്. മാസപ്പിറവി കാണാത്തതിനാലാണ് ദുൽഖഅ്ദ 30 പൂർത്തിയാക്കി തിങ്കളാഴ്ച ദുൽഹജ് ഒന്നും അതനുസരിച്ച് പെരുന്നാൾ ജൂലൈ 21ന് ആയിരിക്കുമെന്ന് വിവിധ ഖാദിമാർ അറിയിച്ചു. കോഴിക്കോട് വലിയ ഖാസി സയ്യിദ് നാസിർ അബ്ദുൽ ഹയ്യ് ശിഹാബ് തങ്ങൾ, കോഴിക്കോട് ഖാസി മുഹമ്മദ് കോയ തങ്ങൾ ജമലുല്ലൈലി, സംയുക്ത മഹല്ല് ഖാദി കാന്തപുരം എ പി അബൂബക്കർ മുസലിയാർ, പാളയം ഇമാം വി പി സുഹൈബ് മൗലവി, ദക്ഷിണ കേരള ജംഇയ്യത്തുൽ ഉലമ ജന.സെക്രട്ടറി തൊടിയൂർ മഹമ്മദ് കുഞ്ഞ് മൗലവി എന്നിവരും, പാണക്കാട് സയ്യിദ് ഹൈദരലി ശിഹാബ് തങ്ങൾ, സമസ്ത പ്രസിഡന്റ് ജിഫ്‌റി മുത്തുക്കോയ തങ്ങൾ എന്നിവരും മാസപ്പിറവി സ്ഥിരീകരിച്ചിട്ടുണ്ട്.

Related Articles

Back to top button

Adblock Detected

Please consider supporting us by disabling your ad blocker