LATESTKERALA

വാഹനാപകടത്തിൽ പരിക്കേറ്റ വിദ്യാർഥി മരിച്ചു

സ്കൂട്ടർ അപകടത്തിൽ പരിക്കേറ്റ്‌ ചികിത്സയിലായിരുന്ന വിദ്യാർഥി രോഹിത് ബി ഏലിയാസ് (17) അന്തരിച്ചു. ദേശാഭിമാനി തിരുവനന്തപുരം സെൻട്രൽ ഡസ്‌ക്‌ ചീഫ് സബ് എഡിറ്റർ കൂത്താട്ടുകുളം മണ്ണത്തൂർ ഇലവുങ്കൽ ഏലിയാസ് തോമസിന്റെയും കോലഞ്ചേരി സെന്റ്‌ പിറ്റേഴ്‌സ്‌ കോളേജ്‌ മലയാള വിഭാഗം അസിസ്റ്റന്റ്‌ പ്രൊഫസർ ബി ബിന്ദുവിന്റെയും ഏക മകനാണ്‌. വഴിത്തല സെന്റ്‌ സെബാസ്റ്റ്യൻ ഹയർ സെക്കണ്ടറി സ്‌കൂൾ പ്ലസ്‌ടു‌‌‌ വിദ്യാർഥിയാണ്.

ആലുവ രാജഗിരി ആശുപത്രിയിൽ ചികിത്സയിലിരിക്കെ തിങ്കളാഴ്ച പകൽ 12.45നാണ്‌ അന്ത്യം. മൃതദേഹം എറണാകുളം ഗവ. മെഡിക്കൽ കോളേജിലെ പോസ്റ്റുമോർട്ടത്തിനുശേഷം ബന്ധുക്കൾക്ക്‌ വിട്ടുനൽകി. ചൊവ്വ രാവിലെ ഒമ്പതുമുതൽ മണ്ണത്തൂരിലെ വീട്ടിൽ പൊതുദർശനത്തിനുവയ്‌ക്കും. പകൽ ഒന്നിന്‌ മൂവാറ്റുപുഴ പൊതു ശ്‌മശാനത്തിൽ സംസ്‌കരിക്കും.

20ന് പകൽ മൂന്നിന്‌ മണ്ണത്തൂരിൽനിന്ന്‌ ആറൂർ ബസ് സ്റ്റോപ്പിലേക്ക് സുഹൃത്തിന്റെ സ്‌കൂട്ടറിൽ പിന്നിലിരുന്ന്‌ യാത്ര ചെയ്യുമ്പോഴായിരുന്നു അപകടം. ഇവർ സഞ്ചരിച്ചിരുന്ന സ്‌കൂട്ടർ വൈദ്യൂതി പോസ്റ്റിൽ ഇടിക്കുകയായിരുന്നു. രോഹിതിനെയും സ്‌കൂട്ടർ ഓടിച്ചിരുന്ന, ചേലാട്ട് ബെന്നി പൗലോസിന്റെ മകൻ ഡാൻ ബെന്നി (18)യെയും നാട്ടുകാരെത്തി കൂത്താട്ടുകുളത്തെ സ്വകാര്യ ആശുപത്രിയിലാക്കി. തലയ്‌ക്ക്‌ ഗുരുതരമായി പരിക്കേറ്റ രോഹിത്തിനെ രാജഗിരിയിലേക്ക്‌ മാറ്റുകയായിരുന്നു. ഡാൻ ചികിത്സയിലാണ്‌.

 

Related Articles

Back to top button

Adblock Detected

Please consider supporting us by disabling your ad blocker