മൈക്രോസോഫ്റ്റ് വിന്ഡോസ് തകരാര് കേരളത്തിലെ വിമാനത്താവളത്തെയും ബാധിച്ചു. നെടുമ്പാശേരി വിമാനത്താവളത്തിലെ 7 വിമാന സര്വീസുകള് വൈകി. മൈക്രോ സോഫ്റ്റ് തകാരാര് വിമാന സര്വീസുകളെയും ബാധിച്ചിരുന്നു. നേരത്തെ ഓണ്ലൈന് ബുക്കിംഗ് നിര്ത്തിവെച്ചിരുന്നു. സ്പൈസ് ജെറ്റ്, ആകാശ, ഇന്ഡിഗോ തുടങ്ങി യ കമ്പനി കളാണ് ഓണ്ലൈന് ബുക്കിംഗ് നിര്ത്തിയത്.
എയര്പോര്ട്ടുകളില് മാനുവല് ചെക്ക്-ഇന്, ബോര്ഡിംഗ് പ്രക്രിയകള് ഉണ്ടാകും. ഓണ് ലൈന് ചെക്കിങ് സേവനങ്ങളും താല്ക്കാലികമായി ലഭ്യമാകില്ല. ലോകമെമ്പാടും വിമാനത്താവളങ്ങളില് വന് ക്യൂ ആണ് അനുഭവപ്പെടുന്നത്. അമേരിക്ക ,ഓസ്ട്രേലിയ ,ന്യൂസിലന്ഡ് എന്നിവിടങ്ങളില് സ്ഥിതി രൂക്ഷമാണ്. ബെര്ലിന് ,ആസ്റ്റര്ഡാം വിമാനത്താവളങ്ങളില് സര്വീസ് നിര്ത്തിവെച്ചു.
ബ്രിട്ടനില് ട്രെയിന് ഗതാഗതം തടസപ്പെട്ടു. സൂപ്പര്മാര്ക്കറ്റുകളുടെ പ്രവര്ത്തനം നിലച്ചു. സ്ട്രൈക്ക് അപ്ഡേറ്റ് ഇന്സ്റ്റാള് ചെയ്തതിന് പിന്നാലെയാണ് മൈക്രോസോഫ്റ്റ് പ്രവര്ത്തനങ്ങള് തകരാറിലായത്. ഇന്ത്യയിലുള്പ്പെടെ കമ്പ്യൂട്ടറുകള് തകരാറിലായത്. കംപ്യൂട്ടറുകളില് ബ്ലൂ സ്ക്രീന് ഓഫ് ഡെത്ത് (BSOD) ഇറര് മുന്നറിയിപ്പാണ് കാണിക്കുന്നത്. വാണിജ്യ സ്ഥാപനങ്ങളിലെ കമ്പ്യൂട്ടറുകളില് സുരക്ഷാ വിവരങ്ങള് ശേഖരിക്കുന്നതിനായുള്ള ക്രൗഡ് സ്ട്രൈക്കിന്റെ ഫാല്ക്കണ് സെന്സര് ഇന്സ്റ്റാള് ചെയ്ത കമ്പ്യൂട്ടറുകളിലാണ് തകരാര് ബാധിച്ചേക്കുന്നത്.
