KERALALATEST

എകെജി സെന്റര്‍ സ്ഥിതി ചെയ്യുന്ന വാര്‍ഡില്‍ യുഡിഎഫിന് ജയം

തിരുവനന്തപുരം: സിപിഎം സംസ്ഥാന കമ്മിറ്റി ഓഫിസായ എകെജി സെന്റര്‍ സ്ഥിതിചെയ്യുന്ന കുന്നുകുഴി കോര്‍പറേഷന്‍ വാര്‍ഡില്‍ യുഡിഎഫിനു വിജയം. കോണ്‍ഗ്രസ് സ്ഥാനാര്‍ഥി മേരി പുഷ്പം 1254 വോട്ടുകള്‍ നേടിയപ്പോള്‍ എല്‍ഡിഎഫ് സ്ഥാനാര്‍ഥി ഒലീനയ്ക്ക് 933 വോട്ടുകള്‍ നേടാനേ കഴിഞ്ഞുള്ളൂ. എന്‍ഡിഎ സ്ഥാനാര്‍ഥി ബിന്ദു 232 വോട്ടുകള്‍ നേടി.
യുഡിഎഫി!ന്റെ പരമ്പരാഗത ശക്തി കേന്ദ്രമാണ് കുന്നുകുഴി. റിബല്‍ പ്രശ്‌നം നേരിട്ട കഴിഞ്ഞതവണ എല്‍ഡിഎഫാണ് വാര്‍ഡില്‍ ജയിച്ചത്. തദ്ദേശ തിരഞ്ഞെടുപ്പില്‍ ആദ്യ ഫല സൂചനകളനുസരിച്ച് എല്‍ഡിഎഫാണ് മുന്നില്‍. ബിജെപിയും നില മെച്ചപ്പെടുത്തി. രാവിലെ 10.30ലെ കണക്കനുസരിച്ച് കോര്‍പറേഷനിലും ജില്ലാ പഞ്ചായത്തിലും ബ്ലോക്കിലും പഞ്ചായത്ത് തലത്തിലും എല്‍ഡിഎഫിനാണ് ഭൂരിപക്ഷം. നഗരസഭകളില്‍ യുഡിഎഫ് നേരിയ ഭൂരിപക്ഷത്തിനു മുന്നില്‍.
തിരുവനന്തപുരം, കൊല്ലം, കോഴിക്കോട്,തൃശൂര്‍ കോര്‍പറേഷനുകളില്‍ എല്‍ഡിഎഫ് മികച്ച മുന്നേറ്റം നടത്തുന്നു. കണ്ണൂരില്‍ യുഡിഎഫ് 2 സീറ്റുകള്‍ക്കു മുന്നില്‍. കൊച്ചിയില്‍ യുഡിഎഫിനാണ് ആധിപത്യം.

Related Articles

Back to top button