KERALALATEST

മുന്‍ കേന്ദ്ര മന്ത്രി അല്‍ഫോണ്‍സ് കണ്ണന്താനത്തിന് കോവിഡ്‌

കൊച്ചി: മുൻ കേന്ദ്രമന്ത്രിയും രാജ്യസഭാ അംഗവുമായ അൽഫോൺസ് കണ്ണന്താനത്തിന് കോവിഡ് സ്ഥിരീകരിച്ചു. ബുധനാഴ്ച വൈകീട്ടോടെയാണ് കോവിഡ് പോസിറ്റീവാണെന്ന വിവരം ഡോക്ടർ അറിയിച്ചത് എന്ന് കണ്ണന്താനം പറഞ്ഞു.

ഭാര്യ ഷീലയ്ക്കും മകൻ ആകാശിനും നെഗറ്റീവാണെന്നും അദ്ദേഹത്തിന്റെ ഫേസ്ബുക്ക് പോസ്റ്റിൽ പറയുന്നു. അടുത്ത 14 ദിവസം താൻ ലാപ്‌ടോപ്പിന് മുന്നിലായിരിക്കും. അനേകം ജോലികൾ ചെയ്ത് തീർക്കാനുണ്ടെന്നും അദ്ദേഹം പറഞ്ഞു.

‘അടുത്ത ഒരാഴ്ചക്കുള്ളിൽ ഐ.എ.എസ് ബാച്ച്‌മേറ്റ്‌സുമായി സഹകരിച്ച് ഞാൻ ചെയ്യുന്ന പുസ്തകം പൂർത്തീകരിക്കാനാകുമെന്ന് പ്രതീക്ഷിക്കുന്നു. അത് പൂർത്തിയാക്കി കഴിഞ്ഞാൽ രണ്ടു പുസ്തകങ്ങൾകൂടി പണിപ്പുരയിലുണ്ട്. ഒന്ന് മോട്ടിവേഷണലാണ്. മറ്റൊന്ന് ഫിക്ഷനും. എന്റെ നായകളോടും പൂച്ചകളോടുമൊത്തുള്ള കളികളും പക്ഷികൾക്ക് തീറ്റകൊടുക്കുന്നതും പച്ചക്കറികൾ വളരുന്നത് കാണുന്നതും എനിക്ക് മിസ് ചെയ്യും. പേടിക്കാനൊന്നുമില്ല പ്രാർഥിക്കുക’ കണ്ണന്താനം ഫെയ്‌സ്ബുക്കിൽ കുറിച്ചു.

Related Articles

Back to top button