BREAKINGNATIONAL

അമന്‍ ജൂണിനെ ഹണിട്രാപ്പില്‍പ്പെടുത്തി കൊലയാളികള്‍ക്ക് മുന്നിലെത്തിച്ച അനുവിനെ തേടി പൊലീസ്

ദില്ലി: ദില്ലിയില്‍ തിരക്കേറിയ ഫാസ്റ്റ് ഫുഡ് ഔട്ട്ലെറ്റില്‍ ഭക്ഷണം കഴിക്കുന്നതിനിടെ യുവാവിനെ വെടിവെച്ച് കൊലപ്പെടുത്തിയ സംഭവത്തില്‍ യുവതിക്കും പങ്കെന്ന് പൊലീസ്. യുവാവിനെ കൊലയാളികള്‍ക്ക് മുന്നിലെത്തിച്ചത് യുവതിയാണെന്നും അവര്‍ക്കായുള്ള തിരച്ചില്‍ ആരംഭിച്ചെന്നും പൊലീസ് പറഞ്ഞു. യുവാവിനെ ഹണിട്രാപ്പില്‍പ്പെടുത്തി ഭക്ഷണശാലയില്‍ എത്തിക്കുകയായിരുന്നെന്നും അധോലോക നായകന്‍ ഹിമാന്‍ഷു ഭൗവിന്റെ അടുത്ത അനുയായിയായ അനു എന്ന ‘ലേഡി ഡോണ്‍’ ആണ് യുവതിയെന്നും പൊലീസ് പറയുന്നു. കഴിഞ്ഞ ദിവസം അമന്‍ ജൂണ്‍ എന്ന യുവാവാണ് പൊതുമധ്യത്തില്‍ കൊല്ലപ്പെട്ടത്.
ഭക്ഷണം കഴിച്ചുകൊണ്ടിരിക്കെ കൊലയാളി ഇയാള്‍ക്കുനേരെ തുരുതുരാ വെടിവെക്കുകയായിരുന്നു. ഏകദേശം നാല്‍പ്പതോളം വെടിയേറ്റെന്നാണ് പൊലീസ് പറയുന്നത്. മൂന്ന് തോക്കുകള്‍ ഉപയോ?ഗിച്ചാണ് കൊലയാളി വെടിവെച്ചത്. തിരച്ചില്‍ ഊര്‍ജിതമാക്കിയതിനിടെ, അനു ജമ്മുകശ്മീരിലെ കത്ര സ്റ്റേഷനില്‍നിന്നു മുംബൈയിലേക്കുള്ള ട്രെയിന്‍ കയറുന്നതിന്റെ സിസിടിവി ദൃശ്യങ്ങള്‍ പുറത്തുവന്നു.

Related Articles

Leave a Reply

Your email address will not be published. Required fields are marked *

Back to top button