ENTERTAINMENTMALAYALAM

സാരിയണിഞ്ഞ് സുന്ദരിയായി അനാര്‍ക്കലി; പക്ഷേ ബ്ലൗസ് തയ്ക്കുന്നതേയുള്ളു

കുറച്ചു സിനിമകള്‍ കൊണ്ട് തന്നെ മലയാളികളുടെ പ്രിയങ്കരിയായി മാറിയ താരമാണ് അനാര്‍ക്കലി മരിക്കാര്‍. ആനന്ദത്തിലൂടെ അരങ്ങേറിയ അനാര്‍ക്കലി ഉയരെയിലൂടെയാണ് പ്രേക്ഷകരുടെ പ്രിയങ്കരിയായി മാറുന്നത്. സോഷ്യല്‍ മീഡിയയില്‍ വളരെ സജീവമാണ് അനാര്‍ക്കലി. താരത്തിന്റെ ഫോട്ടോഷൂട്ടുകളെല്ലാം വൈറലായി മാറാറുണ്ട്. പുതിയ ഫോട്ടോഷൂട്ടും ശ്രദ്ധിക്കപ്പെടുകയാണ്.
സാരിയുടുത്ത് അതിസുന്ദരിയായാണ് അനാര്‍ക്കലി എത്തിയിരിക്കുന്നത്. ഗ്രേയും കറുപ്പും ചുവപ്പും കലര്‍ന്ന സാരിയാണ് താരം അണിഞ്ഞിരിക്കുന്നത്. വിവേക് സുബ്രഹ്മണ്യനാണ് മനോഹരമായ ചിത്രങ്ങളെടുത്തിരിക്കുന്നത്. ചിത്രങ്ങള്‍ വൈറലാവുകയാണ്.
കഴിഞ്ഞ ദിവസം അനാര്‍ക്കലി പങ്കുവച്ച ചിത്രങ്ങളും വൈറലായിരുന്നു. ബ്ലൗസില്ലാതെ സാരി ധരിച്ചെത്തിയ അനാര്‍ക്കലിക്കെതിരെ ചില സദാചാരവാദികളും രംഗത്ത് എത്തിയിരുന്നു. ബ്ലൗസ് തയ്ച്ചു കിട്ടാന്‍ കാത്തു നില്‍ക്കുന്ന യുവതി എന്നായിരുന്നു ഒരാളുടെ കമന്റ്. എന്നാല്‍ പതിവു പോലെ ഇത്തരക്കാര്‍ക്കൊന്നും അനാര്‍ക്കലിയെ തളര്‍ത്താനായില്ല.
ആനന്ദത്തിലൂടെയായിരുന്നു അനാര്‍ക്കലിയുടെ അരങ്ങേറ്റം. പിന്നീട് വിമാനം, മന്ദാരം എന്നീ ചിത്രങ്ങളില്‍ അഭിനയിച്ചു. 2019 ല്‍ ഇറങ്ങിയ ഉയരെ വലിയ വിജയമായി മാറി. ചിത്രത്തിലെ പ്രകടനം ശ്രദ്ധിക്കപ്പെട്ടതോടെ അനാര്‍ക്കലി താരമായി മാറുകയായിരുന്നു. താരത്തെ തേടി പുരസ്‌കാരങ്ങളുമെത്തി.
മാര്‍ക്കോണി മത്തായിയിലെ അതിഥി വേഷത്തിലാണ് അനാര്‍ക്കലിയെ അവസാനമായി കണ്ടത്.അമല, കിസ്സ തുടങ്ങിയ ചിത്രങ്ങളാണ് ഇനി പുറത്തിറങ്ങാനുള്ളത്. മലയാള സിനിമ ഏറെ പ്രതീക്ഷയോടെ കാണുന്ന താരമാണ് അനാര്‍ക്കലി. നല്ലൊരു ഗായിക കൂടിയാണ് അനാര്‍ക്കലി.

Related Articles

Back to top button