LATESTNATIONAL

ഗാന്ധി കുടുംബം കോണ്‍ഗ്രസിനെ നശിപ്പിച്ചു, മഹിളാ കോണ്‍ഗ്രസ് ദേശീയ ജനറല്‍ സെക്രട്ടറി അപ്‌സര റെഡ്ഡി രാജിവച്ചു

ചെന്നൈ: മഹിളാ കോണ്‍ഗ്രസ് ദേശീയ ജനറല്‍ സെക്രട്ടറി അപ്‌സര റെഡ്ഡി രാജിവച്ചു. കോണ്‍ഗ്രസിന് മേലുള്ള ഗാന്ധി കുടുംബത്തിന്റെ അമിത നിയന്ത്രണം പാര്‍ട്ടിയെ നശിപ്പിച്ചുവെന്ന് ചൂണ്ടിക്കാട്ടിയാണ് രാജി. ഹൈക്കമാന്‍ഡിന് രാജിക്കത്ത് നല്‍കിയതായി അപ്‌സര ട്വിറ്ററില്‍ കുറിച്ചു. കോണ്‍ഗ്രസിന്റെ ആദ്യ ട്രാന്‍സ്‌ജെന്‍ഡര്‍ ജനറല്‍ സെക്രട്ടറിയായിരുന്നു.
തമിഴ്‌നാട് സ്വദേശിയായ അപ്‌സര. രാഹുല്‍ ഗാന്ധിയും സോണിയ ഗാന്ധിയും തമിഴ് ജനതയില്‍നിന്ന് ഏറെ അകലെയാണെന്നും കഴിഞ്ഞ ഏതാനും തെരഞ്ഞെടുപ്പുകളില്‍ കോണ്‍ഗ്രസിന്റേത് മോശം പ്രകടനമാണെന്നും അപ്‌സര കുറ്റപ്പെടുത്തി.
കോണ്‍ഗ്രസ് വിട്ട അപ്‌സര എഐഎഡിഎംകെയില്‍ ചേരുകയും ചെയ്തു. മുഖ്യമന്ത്രി എടപ്പാടി കെ. പളനിസ്വാമി, ഉപമുഖ്യമന്ത്രി ഒ. പനീര്‍ശെല്‍വം എന്നിവരുടെ സാന്നിധ്യത്തിലായിരുന്നു പാര്‍ട്ടി പ്രവേശനം. തമിഴ്‌നാട്ടില്‍ എന്‍ഡിഎയുടെ ഭാഗമായി മത്സരിക്കുമെന്ന് അപ്‌സര അറിയിച്ചു.

Related Articles

Back to top button