മുംബൈ: മഹാരാഷ്ട്രയിലെ ഗഡ്ചിറോളിയില്‍ പൊലീസുമായി ഉണ്ടായ ഏറ്റുമുട്ടലില്‍ 12 മാവോയിസ്റ്റുകളെ വധിച്ചു. ഛത്തിസ്ഗഡ് അതിര്‍ത്തിക്ക് സമീപം വന്‍ഡോളി ഗ്രാമത്തിലെ വനമേഖലയില്‍ മാവോയിസ്റ്റുകളുടെ സാന്നിധ്യം തിരിച്ചറിഞ്ഞതിനെ തുടര്‍ന്ന് ഇന്ന് രാവിലെയാണ് ദൗത്യം ആരംഭിച്ചത്. ഉച്ചയ്ക്ക് തുടങ്ങിയ ഏറ്റുമുട്ടല്‍ ആറ് മണിക്കൂറോളം നീണ്ടു. തിപാഗഡ് ദലത്തിന്റെ നേതൃനിരയിലുള്ള ലക്ഷ്മണ്‍ അത്രം എന്ന വിശാല്‍ അത്രം കൊല്ലപ്പെട്ടവരില്‍ ഉണ്ടെന്നാണ് വ്യക്തമാകുന്നത്.
കൊല്ലപ്പെട്ട മാവോയിസ്റ്റുകളില്‍ നിന്ന് മൂന്ന് എ കെ – 47 തോക്കുകള്‍, ഒരു കാര്‍ബൈന്‍ റൈഫിള്‍ തുടങ്ങി നിരവധി ഓട്ടോമോട്ടീവ് ആയുധങ്ങള്‍ കണ്ടെടുത്തതായി പൊലീസ് അറിയിച്ചു. വെടിവയ്പ്പില്‍ ഒരു പൊലീസുകാരനും ഒരു ജവാനും പരുക്കേറ്റു. പരുക്ക് ഗുരതരമല്ലെന്നാണ് വിവരം. പ്രദേശത്ത് തിരച്ചില്‍ തുടരുകയാണ്.
Follow Us
