BREAKING NEWSKERALALATEST

”എവിടെയുണ്ടോ കോണ്‍ഗ്രസ് അവിടെയുണ്ട് ബിജെപി”; ട്രോളുമായി ബിനോയ് വിശ്വം

തിരുവനന്തപുരം: ബിജെപിയും യുഡിഎഫും പരോക്ഷത്തില്‍ ഒന്ന് തന്നെയാണെന്ന് ബിനോയ് വിശ്വം എംപി. കര്‍ഷകരും തൊഴിലാളികളും നടത്തിയ വലിയ സമര പരമ്പരകളെ തകര്‍ക്കാന്‍ വര്‍ഗീയ ഫാസിസ്റ്റ് ഭരണകൂടം ശ്രമിക്കുമ്പോള്‍ അവരുമായി സഖ്യം ചേരുകയാണ് കോണ്‍ഗ്രസ് ചെയ്തത്. രണ്ടുപേരുടേയും നയങ്ങള്‍ ഒന്നാണ്. ഈ ബന്ധം യാദൃശ്ചികമല്ല. അതിന് പിന്നില്‍ ശക്തമായ വര്‍ഗീയ താല്‍പര്യവും സാമ്പത്തിക അടിത്തറയുമുണ്ട്. ഗാന്ധിയെ കൊന്ന സംഘപരിവാറുമായി കോണ്‍ഗ്രസ് സന്ധിചെയ്യുന്നത് എന്തടിസ്ഥാനത്തിലാണെന്ന് മനസ്സിലാകുന്നില്ല. ഇത് ചെറുത്ത് തോല്‍പ്പിക്കണം. നമ്മുടെ നാടിനെ രക്ഷിക്കാനുള്ള പോരാട്ടമാണ് നിയമസഭാ തെരഞ്ഞെടുപ്പെന്നും ബിനോയ് വിശ്വം പറഞ്ഞു.
”രാത്രി ഉറങ്ങാന്‍ പോകുന്ന കോണ്‍ഗ്രസ് നേതാക്കള്‍ രാവിലെ കോണ്‍ഗ്രസില്‍ ഉണ്ടാകുമെന്ന് ഒരുറപ്പുമില്ല. ഏതാളും ബിജെപിയായും മാറും. ആ ഉറപ്പ് ബിജെപിക്കുണ്ട്. അതുകൊണ്ടാണ് 35 സീറ്റ് കിട്ടിയാല്‍ കേരളം ഭരിക്കുമെന്ന് കെ സുരേന്ദ്രന്‍ പറഞ്ഞത്. എവിടെയുണ്ടോ കോണ്‍ഗ്രസ് അവിടെയുണ്ട് ബിജെപി എന്ന അവസ്ഥയായി. കോണ്‍ഗ്രസ് എന്ന് പറഞ്ഞാല്‍ ബിജെപിക്ക് വേണ്ടി ഒരുക്കിവെച്ച പാര്‍ട്ടിയാണ്. മണിപ്പൂരിലും ഗോവയിലുമെല്ലാം ഇത് കണ്ടതാണ്”.
മേനത്ത് ഇടതുമുന്നണി വിജയിക്കും. ഇത്തവണത്തെ തെരഞ്ഞെടുപ്പില്‍ ബിജെപിക്ക് കാര്യമായ റോളില്ല. സംസ്ഥാനത്ത് എല്‍ഡിഎഫിന് അനുകൂലമായി രൂപംകൊള്ളുന്ന ജനപിന്തുണ യുഡിഎഫ് ബിജെപി ക്യാമ്പുകളെ വിറളിപിടിപ്പിച്ചിരിക്കുകയാണ്. എല്‍ഡിഎഫ് തുടര്‍ ഭരണം വേണമെന്ന ആവശ്യം ജനങ്ങളുടെ ഹൃദയമിടിപ്പായി മാറിക്കഴിഞ്ഞു. ഇതോടെ എന്ത് നുണപ്രചാരണങ്ങള്‍ക്കും ഇരുവരും തയ്യാറാകും. ആഴക്കടല്‍ മത്സ്യബന്ധന മേഖലയില്‍ എല്‍ഡിഎഫ് നയമാണ് സംസ്ഥാന സര്‍ക്കാരിനുള്ളതെന്നും ബിനോയ് വിശ്വം പറഞ്ഞു.

Related Articles

Back to top button

Adblock Detected

Please consider supporting us by disabling your ad blocker