BREAKING NEWSKERALA

ബജറ്റ്: തിരഞ്ഞെടുപ്പ് കാലത്ത് കൈയടി നേടാനുള്ളതല്ല, കോവിഡാനന്തര കേരളത്തിന് ഉണര്‍വേകുന്നതെന്നു തോമസ് ഐസക്

തിരുവനന്തപുരം: കോവിഡാനന്തര കേരളത്തിന് ഉണര്‍വേകുന്ന ബജറ്റായിരിക്കും ഇത്തവണത്തേതെന്ന് ധനമന്ത്രി തോമസ് ഐസക്. ബജറ്റ് അവതരണത്തിന് മുന്നോടിയായാണ് ധനമന്ത്രിയുടെ പ്രതികരണം. വെള്ളിയാഴ്ച രാവിലെ ഒമ്പതിനാണ് സഭയില്‍ ബജറ്റ് അവതരണം ആരംഭിക്കുക.
സാമ്പത്തിക വളര്‍ച്ചയും സാമൂഹിക നീതിയും ഉറപ്പാക്കുന്നതായിരിക്കും ഈ സര്‍ക്കാരിന്റെ കാലത്തെ അവസാന ബജറ്റെന്നും നിരവധി ക്ഷേമപദ്ധതികള്‍ പ്രതീക്ഷിക്കാമെന്നും തോമസ് ഐസക് മാധ്യമങ്ങളോട് വ്യക്തമാക്കി.
തിരഞ്ഞെടുപ്പ് കാലത്ത് കൈയടി നേടാന്‍ മാത്രമുള്ള ബജറ്റായിരിക്കില്ല. പാവപ്പെട്ടവരുടെ ക്ഷേമം വര്‍ധിപ്പിക്കാനുള്ള നടപടികള്‍ക്കൊപ്പം ദീര്‍ഘകാലത്തേക്ക് കേരളത്തെ പരിവര്‍ത്തനം ചെയ്യുന്നതിന് അടിസ്ഥാനപരമായ നിര്‍ദേശങ്ങള്‍ മുന്നോട്ടുവയ്ക്കുമെന്നും അദ്ദേഹം പറഞ്ഞു.
കടമെടുപ്പില്‍ വേവലാതി വേണ്ട. പ്രതിപക്ഷം ജനങ്ങളില്‍ ഭീതിയുണ്ടാക്കുകയാണ്. സംസ്ഥാനം കടമെടുക്കുന്നത് നിബന്ധനകള്‍ക്കുള്ളില്‍ നിന്നാണെന്നും ഐസക് വ്യക്തമാക്കി.

Related Articles

Back to top button

Adblock Detected

Please consider supporting us by disabling your ad blocker