LATESTKERALA

കുഴഞ്ഞുവീണയാളെ ബസുകാര്‍ വഴിയിലുപേക്ഷിച്ചു, പിന്നീട് അയാള്‍ മരിച്ചു

ഉദയംപേരൂര്‍: സ്വകാര്യ ബസില്‍ യാത്രയ്ക്കിടെ കുഴഞ്ഞുവീണയാളെ റോഡരികില്‍ കിടത്തി ബസ് ജീവനക്കാര്‍ കടന്നുകളഞ്ഞു. വീട്ടുകാര്‍ വിവരമറിഞ്ഞെത്തി ആളെ ആശുപത്രിയിലെത്തിച്ചെങ്കിലും രക്ഷിക്കാനായില്ല. പൂത്തോട്ടയില്‍ വ്യാഴാഴ്ച രണ്ടരയോടെയാണ് സംഭവം. ഉദയംപേരൂര്‍ ഉണിക്കുന്നത്ത് കുറുപ്പശ്ശേരില്‍ പുഷ്പാംഗദന്‍ (57) ആണ് മരിച്ചത്. സംഭവത്തെക്കുറിച്ച് അന്വേഷണം ആവശ്യപ്പെട്ട് പുഷ്പാംഗദന്റെ ഭാര്യ ഉദയംപേരൂര്‍ പോലീസ് സ്റ്റേഷനില്‍ പരാതി നല്‍കി.
ചോറ്റാനിക്കരയില്‍ ഒരു ഡോക്ടറുടെ ഡ്രൈവറാണ് പുഷ്പാംഗദന്‍. കിഴക്കേക്കോട്ടയില്‍ നിന്നാണ് പുഷ്പാംഗദന്‍ ‘ചിയേഴ്‌സ്’ ബസില്‍ വീട്ടിലേക്ക് പോകാനായി കയറിയത്. ഉദയംപേരൂര്‍ എസ്.എന്‍.ഡി.പി. സ്റ്റോപ്പില്‍ ഇറങ്ങേണ്ടതായിരുന്നു. ശാരീരിക അസ്വസ്ഥതയെ തുടര്‍ന്നു കുഴഞ്ഞുവീണ പുഷ്പാംഗദനെ ആശുപത്രിയിലെത്തിക്കാതെ ബസ് മുന്നോട്ടു പോയി. പുഷ്പാംഗദന്റെ ഫോണില്‍ അവസാനം വിളിച്ച കൂട്ടുകാരന്റെ നമ്പറില്‍ ബസ് ജീവനക്കാര്‍ വിളിച്ചുപറയുക മാത്രം ചെയ്തു. ഇദ്ദേഹമാണ് വീട്ടുകാരെ അറിയിച്ചത്.
അയല്‍വാസികളായ രണ്ടു പേരെയും കൂട്ടി കാറില്‍ പൂത്തോട്ടയിലെത്തിയപ്പോള്‍ ഭര്‍ത്താവ് മണ്ണില്‍ കിടക്കുന്നതാണ് കണ്ടതെന്ന് ഭാര്യ രാജി പറഞ്ഞു.
ആളെ ആശുപത്രിയിലേക്ക് കൊണ്ടുപോകാന്‍ ശ്രമിച്ചപ്പോള്‍ പോലീസ് വന്നിട്ട് കൊണ്ടുപോയാല്‍ മതിയെന്നു പറഞ്ഞ് ചിലര്‍ തടഞ്ഞതായും വീട്ടുകാര്‍ പറഞ്ഞു. പിന്നീട് വീട്ടുകാര്‍ നാലു മണിയോടെ തൃപ്പൂണിത്തുറ താലൂക്കാശുപത്രിയിലെത്തിച്ചെങ്കിലും ആളെ രക്ഷിക്കാനായില്ല. പുഷ്പാംഗദന്‍ ഹൃദ്രോഗത്തിന് മരുന്നുകള്‍ കഴിച്ചിരുന്നു. മൃതദേഹം ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്.
ബസിന്റെ അവസാന സ്റ്റോപ്പായ പൂത്തോട്ടയില്‍ പുഷ്പാംഗദനെ ഇറക്കിക്കിടത്തിയ ശേഷം ബസ് ജീവനക്കാര്‍ സര്‍വീസ് തുടരുകയായിരുന്നു. പൂത്തോട്ടയില്‍ എത്തുംമുമ്പ് വഴിയില്‍ ഒരു സ്വകാര്യ ആശുപത്രിയും പുത്തന്‍കാവ് സര്‍ക്കാര്‍ ആശുപത്രിയും ഉണ്ടായിരുന്നിട്ടും അവിടെയൊന്നും ആളെ കൊണ്ടുപോകാന്‍ കൂട്ടാക്കിയില്ലെന്ന് പരാതിയിലുണ്ട്. അശ്വതി, ആദിത്യന്‍ എന്നിവരാണ് പുഷ്പാംഗദന്റെ മക്കള്‍. ശവസംസ്‌കാരം വെള്ളിയാഴ്ച രണ്ടിന് തൃപ്പൂണിത്തുറ പൊതുശ്മശാനത്തില്‍

Related Articles

Back to top button

Adblock Detected

Please consider supporting us by disabling your ad blocker