ന്യൂഡല്ഹി: ഇന്ത്യന് രാഷ്ട്രപതി രാംനാഥ് കോവിന്ദും പ്രധാനമന്ത്രി നരേന്ദ്ര മോദിയുമുള്പ്പെടെ 10,000 ഇന്ത്യക്കാരെ ചൈന നിരീക്ഷിക്കുന്നതായി റിപ്പോര്ട്ട്. സംയുക്ത സൈനിക മേധാവി ജനറല് ബിപിന് റാവത്ത്, കേന്ദ്രമന്ത്രിമാര്, ചില സംസ്ഥാനങ്ങളിലെ മുഖ്യമന്ത്രിമാര്, സുപ്രീം കോടതി ജഡ്ജിമാര്, മുതിര്ന്ന ഉദ്യോഗസ്ഥര്, മാധ്യമപ്രവര്ത്തകര്, വ്യവസായികള് എന്നിവര്ക്കൊപ്പം പ്രധാനമന്ത്രിയുടെ ഉള്പ്പടെ കുടുംബാംഗങ്ങളും നിരീക്ഷണത്തിലാണ്.
ചൈനീസ് സര്ക്കാരുമായി അടുപ്പമുള്ള കമ്പനിയാണ് പ്രധാനമായും സാമൂഹിക മാധ്യമങ്ങള് വഴി ഇവരെ നിരീക്ഷിക്കുന്നതെന്നതാണ് ഒരു ദേശീയ മാധ്യമത്തിന്റെ അന്വേഷണ റിപ്പോര്ട്ടില് പറയുന്നത്. ചൈനീസ് സര്ക്കാരും രഹസ്യാന്വേഷണ ഏജന്സികളുമായി ചേര്ന്ന് പ്രവര്ത്തിക്കുന്ന കമ്പനിയാണിത്. ഈ കമ്പനികളുടെ ബിഗ്ഡേറ്റ പരിശോധിച്ചതിലൂടെയാണ് ഇന്ത്യന് നിരീക്ഷണം പുറത്ത് വന്നത്.
കോണ്ഗ്രസ് ഇടക്കാല അധ്യക്ഷ സോണിയ ഗാന്ധി, മുഖ്യമന്ത്രിമാരായ മമതാബാന!ര്ജി, ഉദ്ദവ് താക്കറെ, അശോക് ഗെഹ്ലോട്ട്, നവീന് പട്ട്നായിക്, അമരീന്ദര് സിംഗ്, കേന്ദ്രമന്ത്രിമാരായ രാജ്നാഥ്സിംഗ്, നിര്മ്മല സീതാരാമന്, സ്മൃതി ഇറാനി, സുപ്രീം കോടതി ചീഫ് ജസ്റ്റിസ്, മറ്റ് ജസ്റ്റിസുമാര്, രത്തന് ടാറ്റയടക്കമുള്ള ചില വ്യവസായികളടക്കം പട്ടികയില് ഉള്പ്പെട്ടിട്ടുണ്ട്. ഇവരുടെ ഇമെയിലുകളിലേക്ക് നുഴഞ്ഞ് കയറിയാണോ നീരീക്ഷണം എന്നതില് വ്യക്തതയില്ല.
അതിര്ത്തി തര്ക്കവും സംഘര്ഷ സാധ്യതയും നിലനില്ക്കെ പ്രധാനമന്ത്രി, സംയുക്ത സൈനിക മേധാവി, രാഷ്ട്രപതി എന്നിവരടക്കം നിരീക്ഷണത്തിലെന്നത് വലിയ പ്രാധാന്യമുള്ളതാണ്. സുപ്രധാന തീരുമാനങ്ങള് കൈക്കൊള്ളുന്ന സമയത്ത് രാജ്യസുരക്ഷയിലെ കൈകടത്തല് സംബന്ധിച്ചുള്ള വാര്ത്തകള് വരുമ്പോഴും ഇതുമായി ബന്ധപ്പെട്ട് പ്രതികരിക്കാന് കേന്ദ്ര സര്ക്കാര് ഇതുവരെ തയ്യാറായിട്ടില്ല. ഇന്ന് ആരംഭിക്കുന്ന പാര്ലമെന്റ് സമ്മേളനത്തില് വിഷയം ചര്ച്ചയായേക്കും. ഇന്ത്യ ചൈന അ!തി!ത്തി ത!ര്ക്കം ഇതുവരേയും പരിഹരിക്കാന് സാധിച്ചിട്ടില്ല. അതിര്ത്തിയില് ഇരുരാജ്യങ്ങളും സൈന്യത്തെ വിന്യസിച്ചിരിക്കുകയാണ്. സേനപിന്മാറ്റത്തിനുള്ള അഞ്ചിന സംയുക്തപ്രസ്താവനയ്ക്ക് ശേഷവും അതിര്ത്തിയിലെ സാഹചര്യത്തില് മാറ്റമില്ല.
26 1 minute read