LATESTNATIONAL

സ്‌കൂള്‍ ക്ലാസ് മുറിയില്‍ പ്ലസ്ടു വിദ്യാര്‍ത്ഥികള്‍ക്ക് കല്യാണം, പുറത്തറിഞ്ഞതോടെ ഇരുവരെയും പുറത്താക്കി

ഹൈദരാബാദ്: ക്ലാസ് മുറിയില്‍ വിവാഹം കഴിച്ച പ്ലസ്ടു വിദ്യാര്‍ഥികളെ സ്‌കൂളില്‍ നിന്നും പുറത്താക്കി. സമൂഹമാധ്യമങ്ങളില്‍ ഈ വിഡിയോ വൈറലായതോടെയാണ് നടപടി. ആന്ധ്രാപ്രദേശിലെ രാജമുണ്ട്രിയിലെ ഒരു സ്‌കൂളിലാണ് പ്ലസ്ടു വിദ്യാര്‍ഥികള്‍ തമ്മില്‍ ക്ലാസ്മുറിയില്‍ വച്ച് താലികെട്ടിയത്.
ഒപ്പമുണ്ടായിരുന്ന സുഹൃത്ത് ഇതിന്റെ ദൃശ്യങ്ങള്‍ മൊബൈലില്‍ പകര്‍ത്തി. പിന്നാലെ വിഡിയോ സമൂഹമാധ്യമങ്ങളില്‍ വൈറലായതോടെയാണ് മൂന്നു വിദ്യാര്‍ഥികള്‍ക്കെതിരെ സ്‌കൂള്‍ അധികൃതര്‍ നടപടി എടുത്തതായി ദേശീയ മാധ്യമം റിപ്പോര്‍ട്ട് ചെയ്തു. ആളൊഴിഞ്ഞ ക്ലാസ് മുറിയാണ് ഇവര്‍ വിവാഹവേദിയാക്കിയത്. സുഹൃത്ത് ക്യാമറ കൈകാര്യം ചെയ്തു.
യൂണിഫോമിലുള്ള ആണ്‍കുട്ടിയും പെണ്‍കുട്ടിയും പരസ്പര സമ്മതത്തോടെ താലിക്കെട്ടുന്നതാണ് ഒരുമിനിറ്റ് ദൈര്‍ഘ്യമുള്ള വിഡിയോയില്‍ കാണുന്നത്. ആരെങ്കിലും വരുന്നതിന് മുമ്പ് വേഗം താലി കെട്ടാന്‍ കാമറ കൈകാര്യം ചെയ്ത സുഹൃത്ത് ഉപദേശിക്കുന്നതും കേള്‍ക്കാം. നെറ്റിയില്‍ സിന്ദൂരം അണിയിക്കാനും പെണ്‍കുട്ടി പറയുന്നുണ്ട്.
നവംബര്‍ ആദ്യവാരമാണ് സംഭവം നടന്നതെന്ന് റിപ്പോര്‍ട്ടില്‍ പറയുന്നു. പെണ്‍കുട്ടിയുടെ വീട്ടുകാരെ കാണിക്കാനായിരുന്നു ഈ താലിക്കെട്ട്. എന്നാല്‍ ആരാണ് വിഡിയോ സമൂഹമാധ്യമങ്ങളില്‍ പങ്കുവച്ചത് എന്ന കാര്യത്തില്‍ വ്യക്തത വന്നിട്ടില്ല. പൊലീസും ശിശുക്ഷേമ അധികൃതരും വിഷയത്തില്‍ ഇടപ്പെട്ടിട്ടുണ്ട്.

Related Articles

Back to top button

Adblock Detected

Please consider supporting us by disabling your ad blocker