KOTTAYAMLOCAL NEWS

കോട്ടയത്ത് 39 പേര്‍ക്ക് കൊവിഡ്,35 പേര്‍ക്കും രോഗം പകര്‍ന്നത് സമ്പര്‍ക്കത്തിലൂടെ

കോട്ടയം: ജില്ലയില്‍ 39 പേര്‍ക്കു കൂടി കോവിഡ് -19 സ്ഥിരീകരിച്ചു. ഇതില്‍ 35 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്. ചങ്ങനാശേരി മത്സ്യ മാര്‍ക്കറ്റ് കേന്ദ്രീകരിച്ച് നടത്തിയ ആന്റിജന്‍ പരിശോധനയിലാണ് 16 പേരുടെ കൂടി രോഗബാധ കണ്ടെത്തിയത്. നേരത്തെ ചിങ്ങവനത്ത് രോഗം ബാധിച്ചയാളുടെ സമ്പര്‍ക്ക പട്ടികയില്‍ ഉള്‍പ്പെട്ട ആറു പേര്‍ക്കും പാറത്തോട് ഗ്രാമപഞ്ചായത്തില്‍ നാലു പേര്‍ക്കും കോവിഡ് സ്ഥിരീകരിച്ചു.

ചികിത്സയിലായിരുന്ന പത്തു പേര്‍ രോഗമുക്തരായി. നിലവില്‍ കോട്ടയം ജില്ലയില്‍നിന്നുള്ള 293 പേര്‍ രോഗബാധിതരായി ചികിത്സയിലുണ്ട്. ഇതുവരെ ജില്ലയില്‍ ആകെ 556 പേര്‍ക്ക് വൈറസ് ബാധയുണ്ടായി. ഇതില്‍ 179 പേര്‍ക്ക് സമ്പര്‍ക്കത്തിലൂടെയാണ് ബാധിച്ചത്. 13 പേര്‍ ആരോഗ്യ പ്രവര്‍ത്തകരാണ്. ആകെ 263 പേര്‍ രോഗമുക്തരായി.

Related Articles

Back to top button