BREAKING NEWSLATESTNATIONALNEWS

തമിഴ്നാട്ടില്‍ റിപ്പോര്‍ട്ട് ചെയ്യാത്ത മരണങ്ങള്‍ ഏറെ; മരിച്ചത് ഇപ്പോള്‍ റിപ്പോര്‍ട്ട് ചെയ്തതിന്‍റെ ഇരട്ടിയിലധികം പേര്‍

ചെന്നൈ: കൊറോണ വൈറസിനെ തുടര്‍ന്ന് തമിഴ്നാട്ടില്‍ മരിച്ചത് നിലവില്‍ റിപ്പോര്‍ട്ട് ചെയ്തതിലും അധികം ആളുകളെന്ന് സൂചന.

ചെന്നൈ (Chennai) കോര്‍പ്പറേഷന്‍ ഓഫീസില്‍ പൊതുജനാരോഗ്യ വിഭാഗം ഉദ്യോഗസ്ഥര്‍ കഴിഞ്ഞ ദിവസം നടത്തിയ പരിശോധനയിലാണ് കണ്ടെത്തല്‍. 250-ഓളം മരണങ്ങള്‍ ചെന്നൈയില്‍ മാത്രം റിപ്പോര്‍ട്ട് ചെയ്യനുണ്ടെന്ന് പരിശോധനയില്‍ വ്യക്തമായി.

കണക്കെടുപ്പിലെ പിഴവ് പരിഹരിക്കാന്‍ പ്രത്യേക സംഘത്തെ നിയോഗിച്ചിട്ടുണ്ടെന്നും ഒരാഴ്ചക്കുള്ളില്‍ കണക്കുകള്‍ കൃത്യമാകുമെന്നും ആരോഗ്യവകുപ്പ് സെക്രട്ടറി ഡോ. ബീല രാജേഷ് അറിയിച്ചു.

സര്‍ക്കാര്‍ കണക്കുകള്‍ പ്രകാരം ഇതുവരെ 326 പേരാണ് കൊറോണ വൈറസ് (Corona Virus) ബാധിച്ച് തമിഴ്നാട്ടില്‍ മരിച്ചിരിക്കുന്നത്. ഇതില്‍ 260 മരണങ്ങള്‍ റിപ്പോര്‍ട്ട് ചെയ്തിരിക്കുന്നത് ചെന്നൈയിലാണ്. എന്നാല്‍, ഇതിന്‍റെ ഇരട്ടി മരണങ്ങള്‍ ഇവിടെ നടന്നിട്ടുണ്ടെന്നാണ് കണ്ടെത്തല്‍.

പരിശോധന റിപ്പോര്‍ട്ട് കണക്കിലെടുത്താല്‍ തമിഴ്നാട്ടില്‍ കൊവിഡ് (COVID 19) ബാധിച്ച് മരിച്ചത് ഇപ്പോള്‍ റിപ്പോര്‍ട്ട് ചെയ്തതിന്‍റെ ഇരട്ടിയിലധികം പേരാണ്. അതേസമയം, കൊറോണ മരണങ്ങളുടെ കണക്കുകള്‍ കൃത്യമല്ലെന്ന് ചൂണ്ടിക്കാട്ടി സന്നദ്ധസംഘടനയായ അരപ്പോര്‍ ഇയക്കം രംഗത്തെത്തി.

ചെന്നൈയിലും കടലൂരുമായുള്ള മൂന്ന്‍ പേരുടെ മരണങ്ങള്‍ കണക്കില്ല എന്നാണ് ഇവരുടെ ആരോപണം. ഇത് തെളിയിക്കുന്ന രേഖകളും ഇവര്‍ ആരോഗ്യവകുപ്പിന് കൈമാറി. ഇതുകൂടാതെ, ചെന്നൈയിലെ പെരമ്പൂര്‍ റെയില്‍വേ ആശുപത്രിയില്‍ നടന്ന 20 കൊറോണ മരണങ്ങള്‍ റിപ്പോര്‍ട്ട് ചെയ്തിട്ടില്ലെന്നും കണ്ടെത്തിയിട്ടുണ്ട്.

 

Related Articles

Back to top button