LATESTNATIONAL

ഇളവില്‍ സുപ്രീം കോടതിയുടെ പരോക്ഷ വിമര്‍ശനം; ആരാധനാലയങ്ങളുടെ കാര്യത്തില്‍ മാത്രമോ കൊവിഡ് ഭീഷണി

ന്യൂഡല്‍ഹി: രാജ്യത്ത് ആരാധനാലയങ്ങള്‍ അടച്ചിടുന്നതില്‍ പരോക്ഷമായി വിമര്‍ശിച്ച് സുപ്രിം കോടതി ചീഫ് ജസ്റ്റിസ് എസ് എ ബോബ്‌ഡെ. ആരാധനാലയങ്ങളുടെ കാര്യത്തില്‍ മാത്രം കൊവിഡ് ഭീഷണി നിലനില്‍ക്കുന്നു. സാമ്പത്തിക താത്പര്യങ്ങള്‍ മാത്രം നോക്കി ഇളവുകള്‍ പ്രഖ്യാപിക്കുന്നത്. ഇത് ആശ്ചര്യമുള്ളതാണെന്ന് ചീഫ് ജസ്റ്റിസ് പറഞ്ഞു.
അതേസമയം, ഓഗസ്റ്റ് 22, 23 തീയതികളില്‍ പരിയുഷാന്‍ ഉത്സവത്തിന്റെ ഭാഗമായി മുംബൈയിലെ സ്ഥിതി ചെയ്യുന്ന മൂന്ന് ജൈന ക്ഷേത്രങ്ങള്‍ ഭക്തര്‍ക്കായി തുറക്കാന്‍ സുപ്രീം കോടതി അനുമതി നല്‍കി. മതപരമായ സ്ഥലങ്ങള്‍ തുറക്കുന്നതുമായി ബന്ധപ്പെട്ട് കേന്ദ്രസര്‍ക്കാര്‍ പുറപ്പെടുവിച്ച സ്റ്റാന്‍ഡേര്‍ഡ് ഓപ്പറേറ്റിംഗ് നടപടി ക്രമങ്ങളോ എസ്ഒപികളോ പാലിക്കണമെന്ന് സുപ്രിം കോടതി കര്‍ശനമായി നിര്‍ദേശിച്ചു. മുംബൈയിലെ ദാദര്‍, ബൈക്കുല്ല, ചെമ്പൂര്‍ എന്നിവിടങ്ങളില്‍ ജൈനക്ഷേത്രങ്ങള്‍ തുറക്കാനാണ് കോടതി അനുമതി നല്‍കിയത്.മുംബൈയിലെ ദാദര്‍, ബൈക്കുല്ല, ചെമ്പൂര്‍ എന്നിവിടങ്ങളില്‍ ജൈനക്ഷേത്രങ്ങള്‍ തുറക്കാനാണ് കോടതി അനുമതി നല്‍കിയത്.
ജെയ്ന്‍ ക്ഷേത്രങ്ങളില്‍ മാത്രമാണ് അനുമതി ഉണ്ടാകൂവെന്നും മറ്റു ക്ഷേത്രങ്ങളിലോ ഗണേഷ് ചതുര്‍ത്ഥി ആഘോഷങ്ങളിലോ ഈ ഇളവ് അനുവദിക്കില്ലെന്നും എസ് എ ബോബ്‌ഡെ അധ്യക്ഷനായ ബെഞ്ച് വ്യക്തമാക്കി. ചില ആരാധനലായങ്ങളുടെ മാത്രം കാര്യത്തില്‍ ഉത്തരവുകള്‍ പുറപ്പെടുവിച്ചാല്‍ അത് വിവേചനമാകില്ലേയെന്ന് കോടതി ചോദിച്ചു. ജഗന്നാഥന്‍ ഞങ്ങളോട് ക്ഷമിക്കട്ടെയെന്നും നിങ്ങളോടും ദൈവം ക്ഷമിക്കട്ടെയെന്നും ചീഫ് ജസ്റ്റിസ് പരാമര്‍ശിച്ചു.

Related Articles

Back to top button