ALAPPUZHAKERALALATEST

വനിത എസ്.ഐയോട് കയര്‍ത്ത് സി.പി.എം. നേതാവ്; കേസെടുത്ത് പോലീസ്

ആലപ്പുഴ: വനിതാ എസ്.ഐയോട് കയര്‍ത്ത് സംസാരിച്ചതിനും ഡ്യൂട്ടി തടസ്സപ്പെടുത്തിയതിനും സി.പി.എം. നേതാവിനെതിരേ കേസ്. ലോക്കല്‍ കമ്മിറ്റി സെക്രട്ടറിയും ഭരണിക്കാവ് ബ്ലോക്ക് പഞ്ചായത്ത് മുന്‍പ്രസിഡന്റുമായ വി. വിനോദിനെതിരേയാണ് നൂറനാട് പോലീസ് കേസെടുത്തത്.
തിങ്കളാഴ്ച ഉച്ചയ്ക്ക് പടനിലത്താണ് സംഭവം. ജൂനിയര്‍ എസ്.ഐ. പ്രിയയുടെ നേതൃത്വത്തില്‍ മാസ്‌ക് ധരിക്കാത്തവര്‍ക്കെതിരേ നടപടിയെടുത്തു വരികയായിരുന്നു. ഈ സമയം അവിടെ കാറിലെത്തിയ വിനോദ്, പോലീസ് മനുഷ്യനെ ജീവിക്കാന്‍ അനുവദിക്കുന്നില്ലെന്നും പെറ്റി അടിക്കുകയാണെന്നും പറഞ്ഞ് പോലീസിനോട് കയര്‍ക്കുകയായിരുന്നു.
വിനോദും അപ്പോള്‍ മാസ്‌ക് വെച്ചിരുന്നില്ല. പോലീസ് അസോസിയേഷന്‍ ജില്ലാ നേതാവ് വി.വിവേകിന്റെ സഹോദരനാണ് വിനോദ്.

Related Articles

Back to top button