ENTERTAINMENTBOLLYWOOD

ഹോട്ടലില്‍ നിന്നിറങ്ങിയ ദീപികയുടെ ബാഗില്‍ പിടിച്ചു വലിച്ചു യുവതി, കാറില്‍ കയറാന്‍ ബുദ്ധിമുട്ടി താരം

ബോളിവുഡില്‍ നിരവധി ആരാധകരുള്ള താരമാണ് ദീപിക പദുക്കോണ്‍. കഴിഞ്ഞ ദിവസം മുംബൈയില്‍ ഭക്ഷണം കഴിക്കാനെത്തിയ താരം ആരാധകരുടെ ശക്തി അറിഞ്ഞു. ഹോട്ടലില്‍ നിന്ന് ഭക്ഷണം കഴിച്ചിറങ്ങിയ താരത്തെ ജനക്കൂട്ടം വളയുകയായിരുന്നു. കൂട്ടത്തില്‍ ഒരു സ്ത്രീ ദീപികയുടെ ബാ?ഗില്‍ കയറി പിടിച്ചു വലിച്ചതോടെ വളരെ കഷ്ടപ്പെട്ടാണ് താരം കാറില്‍ കയറിയത്. സോഷ്യല്‍ മീഡിയയില്‍ വൈറലാവുകയാണ് ഇതിന്റെ വിഡിയോ.വ്യാഴാഴ്ചയാണ് ഖറിലെ ഹോട്ടലില്‍ താരം എത്തയത്. കറുത്ത ഡെനിമും വൈറ്റ് ടോപ്പും അതിനൊപ്പം വെറ്റും ഗ്രേയും ചേര്‍ന്ന ഷ്രഗും ധരിച്ചാണ് താരം എത്തിയത്. ഇതിനൊപ്പം ചുവന്ന വണ്‍സൈഡ് ബാഗും താരം അണിഞ്ഞിരുന്നു. താരം എത്തിയതറിഞ്ഞ് ആരാധകര്‍ കൂടിയിരുന്നു. നിറഞ്ഞ ചിരിയോടൊണ് ആരാധകരെ അഭിവാദ്യം ചെയ്ത് കാറില്‍ കയറാന്‍ ശ്രമിക്കുകയായിരുന്നു താരം. അതിനിടെയാണ് ടിഷ്യു വില്‍ക്കുന്ന യുവതി താരത്തിന്റെ ബാഗ് പിടിച്ചു വലിച്ചത്. താരത്തിന്റെ കൂടെയുണ്ടായിരുന്നവര്‍ കഷ്ടപ്പെട്ടാണ് ദീപിയെ ജനക്കൂട്ടത്തിന് ഇടയില്‍ നിന്ന് രക്ഷിച്ച് കാറില്‍ കയറ്റിയത്.

ബോളിവുഡില്‍ നിരവധി ചിത്രങ്ങളാണ് താരത്തിന്റേതായി അണിയറയില്‍ ഒരുങ്ങുന്നത്. ഷാരുഖ് ഖാന്റെ തിരിച്ചുവരവായ പത്താനില്‍ ദീപികയാണ് നായികയാവുന്നത്. ഷകുന്‍ ബത്രയുടെ പുതിയ ചിത്രത്തിലും താരം അഭിനയിക്കുന്നത്. ഭര്‍ത്താവ് രണ്‍വീറിനൊപ്പമുള്ള 83 റിലീസിന് തയാറെടുക്കുകയാണ്. ചിത്രത്തില്‍ കപില്‍ ദേവിന്റെ ഭാര്യയുടെ റോളിലാണ് ദീപിക എത്തുന്നത്.

Related Articles

Back to top button

Adblock Detected

Please consider supporting us by disabling your ad blocker