LATESTNATIONAL

അയോധ്യയിലെ രാമക്ഷേത്ര നിര്‍മ്മാണത്തിനായി കോണ്‍ഗ്രസ് നേതാവിന്റെ സംഭാവന; 1.11 ലക്ഷം രൂപ നല്‍കി ദിഗ് വിജയ് സിംഗ്

ന്യൂഡല്‍ഹി: അയോധ്യയിലെ രാമക്ഷേത്ര നിര്‍മ്മാണത്തിന് 1,11,111 ലക്ഷം രൂപ സംഭാവന നല്‍കി കോണ്‍ഗ്രസ് നേതാവ് ദിഗ് വിജയ് സിംഗ്. പ്രധാനമന്ത്രി നരേന്ദ്ര മോദിയുടെ പേരിലാണ് കത്ത് സഹിതം കോണ്‍ഗ്രസിന്റെ രാജ്യസഭാംഗവും മുന്‍ മധ്യപ്രദേശ് മുഖ്യമന്ത്രിയുമായ ദിഗ് വിജയ് സിംഗ് സംഭാവന അയച്ചത്.
‘എവിടെ, ഏത് ബാങ്കിലേക്കാണ് പണം സംഭാവന ചെയ്യേണ്ടത് എന്നതിനെക്കുറിച്ചുള്ള വിവരങ്ങള്‍ എന്റെ പക്കലില്ലാത്തതിനാല്‍, ഈ സംഭാവനയോടൊപ്പം 1,11,111 രൂപയുടെ ഒരു ചെക്ക് ഞാന്‍ നിങ്ങള്‍ക്ക് അയയ്ക്കുന്നു. രാം ക്ഷേത്ര നിര്‍മ്മാണത്തിനായി, ‘സിംഗ് കത്തില്‍ എഴുതി.
ഒപ്പം ക്ഷേത്ര നിര്‍മ്മാണത്തിനായി ആളുകള്‍ സംഭാവന നല്‍കിയ പണത്തിന്റെ കണക്കുകള്‍ പരസ്യമാക്കണമെന്ന് വിഎച്ച്പിയോട് ആവശ്യപ്പെടണമെന്നും ദിഗ് വിജയ് സിംഗ് പ്രധാനമന്ത്രിയോട് അഭ്യര്‍ത്ഥിച്ചു. ജനുവരി 15 മുതല്‍ വിഎച്ച്പി 44 ദിവസം നീണ്ടുനിന്ന രാം ക്ഷേത്ര ധനസമാഹരണ യജ്ഞം രാജ്യത്തുടനീളം ആരംഭിച്ചപ്പോള്‍ മറ്റ് ചില സംഘടനകള്‍ ഇതിനകം ലാത്തികളും വാളുകളുമായി റാലികളിലൂടെ ക്ഷേത്രത്തിനായി സംഭാവന ശേഖരിക്കുന്നുണ്ടെന്നും കത്തില്‍ സിംഗ് പരാമര്‍ശിച്ചു.
‘ലാത്തികളും വാളുകളും വഹിച്ചുള്ള ഇത്തരം റാലികള്‍ ഏതെങ്കിലും മതപരമായ ചടങ്ങിന്റെ ഭാഗമാക്കാന്‍ കഴിയില്ല. കുറഞ്ഞത് അത്തരം സംഭവവികാസങ്ങളെങ്കിലും സനാതന്‍ ധര്‍മ്മത്തിന്റെ (ഹിന്ദു മതത്തിന്റെ) ഭാഗമാക്കാനും കഴിയില്ല. ഇത്തരം സംഭവവികാസങ്ങള്‍ കാരണം മധ്യപ്രദേശില്‍ ഇതിനകം മൂന്ന് അനിഷ്ട സംഭവങ്ങള്‍ നടന്നിട്ടുണ്ട്. ഇത് സമൂഹത്തിലെ സാമൂഹിക ഐക്യത്തെ തകര്‍ത്തു, ‘ സിംഗ് കത്തില്‍ എഴുതി.
‘മറ്റ് മതവിഭാഗങ്ങള്‍ ക്ഷേത്ര നിര്‍മ്മാണത്തിന് എതിരല്ല എന്ന കാര്യം നിങ്ങള്‍ക്കറിയാം. അതിനാല്‍ രാജ്യത്തിന്റെ പ്രധാനമന്ത്രിയെന്ന നിലയില്‍ ആയുധങ്ങള്‍ വഹിക്കുന്ന ആളുകളോട് ഇത്തരം ധനസമാഹരണ ഘോഷയാത്രകള്‍ നിര്‍ത്താന്‍ നിങ്ങള്‍ എല്ലാ സംസ്ഥാന സര്‍ക്കാരുകളോടും നിര്‍ദ്ദേശിക്കണെമെന്നും ദിഗ് വിജയ് സിംഗ് പ്രധാനമന്ത്രിക്ക് അയച്ച കത്തില്‍ പറയുന്നു.

Related Articles

Back to top button

Adblock Detected

Please consider supporting us by disabling your ad blocker