ENTERTAINMENTBOLLYWOOD

50കാരന് നായിക 19 കാരി, ഇത് പുരുഷാധിപത്യമെന്ന് ദിയ മിര്‍സ

ബോളിവുഡിലെ പുരുഷാധിപത്യത്തിനെതിരെ തുറന്നടിച്ച് നടി ദിയ മിര്‍സ. മുമ്പും തന്റെ നിലപാടുകള്‍ തുറന്ന് പറഞ്ഞ് കൈയ്യടി നേടിയിട്ടുണ്ട് ദിയ. മുമ്പത്തേതിനേക്കാള്‍ കൂടുതല്‍ സ്ത്രീകളും സ്ത്രീപ്രാധാന്യമുള്ള കഥകളും ഇന്ന് ബോളിവുഡില്‍ സംഭവിക്കുന്നുണ്ടെന്ന് ദിയ പറഞ്ഞു. കൂടുതല്‍ സംവിധായകമാരും വനിതാ ഛായാഗ്രാഹകരും എഡിറ്റര്‍മാരും ഇന്നുണ്ട്. പക്ഷെ ഇപ്പോഴും പുരുഷന്മാരേക്കാള്‍ ഏറെ പിന്നിലാണെന്നും ദിയ അഭിപ്രായപ്പെട്ടു. പ്രാധിനിത്യം കൂടിയതു കൊണ്ടാണ് സ്ത്രീപക്ഷ സിനിമകളും കൂടുന്നതെന്നും ദിയ അഭിപ്രായപ്പെട്ടു. ഒടിടി പ്ലാറ്റ്‌ഫോമുകളുടെ വളര്‍ച്ചയും ഇതിന് സഹായിച്ചുവെന്ന് ദിയ പറയുന്നു.
അതേസമയം പുരുഷാധിപത്യം നിലനില്‍ക്കുന്നതായും ദിയ പറഞ്ഞു. മുതിര്‍ന്ന സ്ത്രീകള്‍ക്കായി കഥാപാത്രങ്ങള്‍ രചിക്കപ്പെടുന്നില്ല. എന്നാല്‍ പുരുഷന്മാര്‍ക്ക് പ്രായം തടസ്സമാകുന്നില്ല. മുതിര്‍ന്ന പുരുഷന്മാര്‍ സ്ത്രീനില്‍ ചെറുപ്പക്കാരായി തന്നെ അഭിനയിക്കുകയും ചെയ്യുന്നുണ്ടെന്നും ദിയ പറയുന്നു. അത് ദൗര്‍ഭാഗ്യകരമാണെന്നും ദിയ അഭിപ്രായപ്പെട്ടു. സൗന്ദര്യം എന്നത് ചെറുപ്പമാണെന്നൊരു ധാരണയുണ്ടെന്നും അതുകൊണ്ടാണ് യുവാക്കളെ തേടി പോകുന്നതെന്നും ദിയ അഭിപ്രായപ്പെട്ടു.
ഇതിനൊരു ഉദാഹരണം നീന ഗുപ്തയെ പോലുള്ള നടിമാരാണെന്നും ദിയ ചൂണ്ടിക്കാണിച്ചു. പലവട്ടം അവരത് അക്ഷരാര്‍ത്ഥത്തില്‍ വിളിച്ചു പറഞ്ഞിട്ടുണ്ട്. ഞാനൊരു അഭിനേത്രിയാണ്. എന്റെ ജോലി എനിക്കിഷ്ടമാണ്. എന്നെ കാസ്റ്റ് ചെയ്യൂ എന്ന്. ഭാഗ്യവശാല്‍ ചിലരവരെ കാസ്റ്റ് ചെയ്യാന്‍ തീരുമാനിച്ചു. പക്ഷെ മധ്യവയസ്‌കരയായ ധാരാളം നടിമാരുണ്ട് വേറെയും. അവര്‍ക്കായി സിനിമകള്‍ എഴുതപ്പെടുന്നില്ലെന്നും ദിയ പറഞ്ഞു.
സിനിമാ മേഖലയില്‍ പുരുഷ മേധാവിത്വമാണ്. മുതിര്‍ന്ന പുരുഷന്മാരുടെ നായികയാവുക ചെറുപ്പക്കാരികളായ നായികമാരായിരിക്കും. 50 വയസുകാരന്റെ നായിക 19 കാരിയാകുന്ന അത്ര മോശമായ അവസ്ഥയാണതെന്നും ദിയ കൂട്ടിച്ചേര്‍ത്തു.

Related Articles

Back to top button

Adblock Detected

Please consider supporting us by disabling your ad blocker