LATESTKERALA

സ്‌പോണ്‍സര്‍ പിന്മാറിയതിനാല്‍ പദ്ധതി നിര്‍ത്തുന്നു,ലൈഫ് മിഷനില്‍ തന്നെ തെറ്റിദ്ധരിപ്പിച്ചു, പുതിയ വെളിപ്പെടുത്തലുമായി ജി ശങ്കര്‍

തിരുവനന്തപുരം: വടക്കാഞ്ചേരി ലൈഫ് ഭവനപദ്ധതിയില്‍ നിന്നു പ്രോജക്ട് മാനേജ്‌മെന്റ് കണ്‍സല്‍റ്റന്റ് ആയ ഹാബിറ്റാറ്റിനെ ഒഴിവാക്കാന്‍ സര്‍ക്കാര്‍ നടത്തിയ വഴിവിട്ട നീക്കങ്ങളെ കുറിച്ച് പുതിയ വെളിപ്പെടുത്തലുമായി ഹാബിറ്റാറ്റ് ചെയര്‍മാന്‍ ജി ശങ്കര്‍. ലൈഫ് മിഷന്‍ ആവശ്യപ്പെട്ടതനുസരിച്ച് ചെലവ് ചുരുക്കി പദ്ധതി രേഖ പുതുക്കുന്നതിനിടെ സ്‌പോണ്‍സര്‍ പിന്മാറിയതിനാല്‍ പദ്ധതി നിര്‍ത്തുകയാണെന്ന് അറിയിച്ചെന്ന് ശങ്കര്‍ പറഞ്ഞു.

ലൈഫ് മിഷന്‍ അംഗീകൃത ഏജന്‍സിയായ ഹാബിറ്റാറ്റ് തൃശൂര്‍ ഉള്‍പ്പെടെ 5 ജില്ലകളിലെ പ്രോജക്ട് മാനേജ്‌മെന്റ് കണ്‍സല്‍റ്റന്‍സിയായിരുന്നു. എങ്ങിനെ ഹാബിറ്റാറ്റ് നല്‍കിയ പദ്ധതി രേഖ ഒഴിവാക്കി യൂണിടാക് രംഗത്തെത്തി എന്നതായിരുന്നു ലൈഫ് ഇടപാടിലെ ഏറ്റവും പ്രധാന ചോദ്യം. വിവരാവകാശ നിയമപ്രകാരം ലഭിച്ച ഫയലുകളിലൊന്നും ഇതിനുള്ള കാരണം ലൈഫ് മിഷന്‍ പറയുന്നില്ല.

മിഷന്‍ ആവശ്യപ്പെട്ട പ്രകാരം വടക്കാഞ്ചേരിയിലെ പദ്ധതിയുടെ വിശദമായ റിപ്പോര്‍ട്ട് പല തവണ ഹാബിറ്റാറ്റ് പുതുക്കി. 234 യൂണിറ്റുള്ള 32 കോടിയുടെ പദ്ധതിയാണ് ആദ്യം തയ്യാറാക്കിയത്. തുക കുറക്കാന്‍ ലൈഫ് മിഷന്‍ ആവശ്യപ്പെട്ടത് അനുസരിച്ച് പിന്നീട് 203 യൂണിറ്റുള്ള 27.50 കോടിയുടെ പദ്ധതിരേഖ നല്‍കി. സ്‌പോണ്‍സര്‍ നല്‍കുന്ന സാമ്പത്തിക സഹായത്തിന് അനുസരിച്ച് 15 കോടിയില്‍ താഴെ ചെലവ് ചുരുക്കാനാവശ്യപ്പെട്ടു. ലൈഫ് മിഷനും റെഡ് ക്രസന്റുമായുള്ള ധാരണപത്രത്തിന് ശേഷം ജൂലൈ 18നാണ് കത്തിലൂടെ യുവി ജോസ് ഇക്കാര്യം ആവശ്യപ്പെട്ടത്.

”യൂണിടാക്കിനെ കുറിച്ച് അറിയില്ല. ഹാബിറ്റാറ്റ് നല്‍കിയ പദ്ധതി രേഖയില്‍ യൂണിടാക്ക് എന്ത് മാറ്റം വരുത്തി എന്നും വ്യക്തമല്ല. പദ്ധതി നിര്‍ത്തി എന്നറയിച്ചതിന് പിന്നാലെ പല കാരണങ്ങളാല്‍ കഴിഞ്ഞ ഒക്ടോബറോടെ ഹാബിറ്റാറ്റ് ലൈഫ് മിഷന്റെ കണ്‍സല്‍ട്ടന്‍സി പദവി തന്നെ ഒഴിഞ്ഞു.” വന്‍തുക ക്വോട്ട് ചെയ്തത് കൊണ്ട് ഹാബിറ്റാറ്റിനെ ഒഴിവാക്കി കുറഞ്ഞ തുക നിര്‍ദ്ദേശിച്ച യൂണിടാക്കിനെ സ്വീകരിച്ചെന്ന വാദമാണ് ശങ്കറിന്റെ വിശദീകരണത്തോടെ പൊളിയുന്നത്.

Related Articles

Back to top button

Adblock Detected

Please consider supporting us by disabling your ad blocker