HEALTH

നിറത്തിനും രക്തവര്‍ദ്ധനവിനും ഉണക്ക മുന്തിരി ടോണിക്

ആരോഗ്യത്തിന് സഹായിക്കുന്നവയില്‍ മികച്ചാണ് ഡ്രൈ നട്‌സും ഡ്രൈ ഫ്രൂട്‌സുമെല്ലാം തന്നെ. ഇത്തരം ഡ്രൈ ഫ്രൂട്‌സില്‍ മികച്ച ഒന്നാണ് ഉണക്കമുന്തിരി. സൗന്ദര്യത്തിനും ആരോഗ്യത്തിനുമെല്ലാം തന്നെ ഒരു പോലെ സഹായിക്കുന്ന പ്രധാനപ്പെട്ട ഒന്നാണിത്. മുതിര്‍ന്നവര്‍ക്കും കുട്ടികള്‍ക്കും ഒരു പോലെ ഉപയോഗിയ്ക്കാവുന്ന ഒന്നാണ് ഉണക്കമുന്തിരി.ഇതിലെ ഫൈബറുകള്‍ ദഹനേന്ദ്രിയത്തിന്റെ ആരോഗ്യത്തെ മെച്ചപ്പെടുത്തുന്നു. അയണ്‍, പൊട്ടാസ്യം, കാത്സ്യം, ഫൈബര്‍, മഗ്‌നീഷ്യം തുടങ്ങിയ പല ഘടകങ്ങളുടെയും കലവറയാണ് ഉണക്ക മുന്തിരി എന്ന് വേണമെങ്കില്‍ പറയാം. ഇതില്‍ വിറ്റാമിനുകളും ധാതുക്കളും അടങ്ങിയിട്ടുള്ളത് കൊണ്ട് തന്നെ ബാക്ടീരിയ, വൈറല്‍ അണുബാധകള്‍ തുടങ്ങിയ ആരോഗ്യ പ്രശ്‌നങ്ങളില്‍ നിന്നും ഇത് സഹായിക്കുന്നു. മാത്രമല്ല ഉണക്ക മുന്തിരിയില്‍ അടങ്ങിയിരിക്കുന്ന മധുരം സ്വഭാവിക മധുരമാണ്. ഇത് ശരീരത്തിന് ദോഷം ചെയ്യില്ല എന്ന് മാത്രമല്ല ആരോഗ്യപരമായി ഒരുപാട് ഗുണമാണ് ചെയ്യുന്നത്.
ഉണക്കമുന്തിരിയുടെ പ്രധാനപ്പെട്ടൊരു ഗുണം ഇത് രക്തവര്‍ദ്ധനവിന് സഹായിക്കുന്നുവെന്നതാണ്. ശരീരത്തില്‍ രക്തപ്രവാഹം നിറത്തിനും സഹായിക്കുന്ന ഒന്നാണ്. ശരീരത്തിന്റെ ആകെയുളള ആരോഗ്യത്തിന് പ്രധാനമാണ് ഹീമോഗ്ലോബിന്‍ കൗണ്ട്. ഇതിനുളള പ്രകൃതിദത്ത വഴികളില്‍ ഒന്നാണ് ഉണക്കമുന്തിരി.ആന്റി ഓക്‌സിഡന്റ് സമ്പുഷ്ടമായ ഇത് ചര്‍മത്തിലെ ചുളിവുകളും അയഞ്ഞു തൂങ്ങലുമെല്ലാം മാറ്റി നല്ല ചെറുപ്പം നല്‍കുന്നു. രക്തോല്‍പാദനം വര്‍ദ്ധിപ്പിയ്ക്കുന്നതിനാല്‍ ചര്‍മത്തിന് നിറം നല്‍കാനും ഇതേറെ നല്ലതാണ്.
ശരീരത്തില്‍ ഹീമോഗ്ലോബിന്‍ കൂടാനും നല്ല രക്തപ്രസാദം നല്‍കാനും ഇതേറെ നല്ലതാണ്. ഇത് നിറം കൂടാനും നല്ലതാണ്. വയറിന്റെ ആരോഗ്യത്തിനും ഇതേറെ നല്ലതാണ്. ഇതില്‍ ചേര്‍ക്കുന്ന കോലരക്ക്, ചെമ്പരത്തി എന്നിവയെല്ലാം തന്നെ പ്രമേഹത്തിനുളള നല്ല മരുന്നാണ്. മലബന്ധം പോലുളള പ്രശ്‌നങ്ങള്‍ക്ക് ഇത് നല്ലതാണ്. നമ്മുടെ വീട്ടില്‍ തന്നെ എളുപ്പത്തില്‍ തയ്യാറാക്കാവുന്ന ഒന്നാണിത്.
ഉണക്ക മുന്തിരി ഇതിനായി 150 ഗ്രാം വേണം. ഇതിനായി ചുവന്ന ചെമ്പരത്തിപ്പൂ നാലഞ്ച് ഇതള്‍ വേണം. 2 ടീസ്പൂണ്‍ കോലരക്ക് പൊടിച്ചതും ഇതിനായി വേണം. ആറു ഗ്ലാസ് വെള്ളമാണ് ഇതു തയ്യാറാക്കാന്‍ വേണ്ടത്. ഇതിലേയ്ക്ക് കഴുകിയ ഉണക്ക മുന്തിരി, ചെമ്പരത്തിപ്പൂ ഇതള്‍, കോലരക്ക് എന്നിവ ചേര്‍ക്കുക. ഇത് കുറഞ്ഞ തീയില്‍ തിളപ്പിയ്ക്കണം. ഈ വെള്ളം തിളച്ച് രണ്ടു ഗ്ലാസ് ആകുന്നതു വരെയാകണം. പിന്നീടിത് വാങ്ങി വയ്ക്കുക. ഈ വെള്ളം ചുവന്ന നിറത്തില്‍ ആയിക്കാണും. വിവാഹശേഷം ആര്‍ത്തവ വ്യത്യാസമോ??
ഈ വെള്ളം വാങ്ങി വച്ച് ചൂടാറുമ്പോള്‍ ഉണക്ക മുന്തിരി നല്ലതു പോലെ പിഴിഞ്ഞ് സത്തു ചേര്‍ത്തും ബാക്കി വെള്ളം ഊറ്റിയെടുത്തും സൂക്ഷിച്ചു വയ്ക്കാം. വെറുംവയറ്റില്‍ ഈ വെള്ളം അടുപ്പിച്ച് 20 ദിവസമെങ്കിലും കുടിച്ചാല്‍ രക്തക്കുറവിനുള്ള നല്ലൊരു പരിഹാരമാണ്. മുതിര്‍ന്നവര്‍ക്ക് 30 മില്ലി, കുട്ടികള്‍ക്ക് 20 മില്ലി എന്നതാണ് കണക്ക്. കറുത്ത ഉണക്കമുന്തിരിയാണ് ഇതിനായി നല്ലത്. വെറുംവയറ്റില്‍ ഇതു കുടിയ്ക്കുന്നതാണ് നല്ലത്.
രക്തവര്‍ദ്ധനവിനും നല്ല നിറത്തിനും വീട്ടില്‍ തന്നെ നമുക്ക് പ്രത്യേക രീതിയില്‍ ഒരു ഉണക്കമുന്തിരി ടോണിക് തയ്യാറാക്കാം. ഉണക്ക മുന്തിരി തന്നെയാണ് ഇതിലെ പ്രധാന ചേരുവ.ഇതിനൊപ്പം ഇതില്‍ ചെമ്പരത്തിപ്പൂ, കോലരക്ക് എന്നിവയും വേണം. കോലരക്ക് ആയുര്‍വേദ മരുന്നാണ്. ആയുര്‍വേദ ചേരുകളിലെ പ്രധാനപ്പെട്ട ഒന്ന്. സൗന്ദര്യ സംരക്ഷണത്തിനും ആരോഗ്യത്തിനുമെല്ലാം തന്നെ ഉപയോഗിയ്ക്കുന്ന ഒന്നാണിത്.

Related Articles

Back to top button