ENTERTAINMENTBOLLYWOOD

ഇലിയാനയ്ക്ക് ആശങ്ക… തന്റെ ചുണ്ടുകള്‍ക്ക് വലിപ്പമുണ്ടോ

തെന്നിന്ത്യന്‍ സിനിമകളിലും ബോളിവുഡിലും തന്റേതായൊരു സ്ഥാനം നേടിയിട്ടുള്ള താരമാണ് ഇലിയാന ഡി ക്രൂസ്. നിരവധി ഹിറ്റുകളില്‍ നായികയായിരുന്ന ഇലിയാന സോഷ്യല്‍ മീഡിയയിലും സജീവമാണ്. ഇപ്പോഴിതാ ബോഡി പോസിറ്റീവിറ്റിയെ കുറിച്ചുള്ള ഇലിയാനയുടെ വാക്കുകളും സോഷ്യല്‍ മീഡിയയില്‍ ശ്രദ്ധിക്കപ്പെടുകയാണ്. നിറത്തിന്റേയും വണ്ണത്തിന്റേയുമെല്ലാം പേരില്‍ ഇപ്പോഴും ആളുകള്‍ പരിഹസിക്കപ്പെടുന്നുണ്ട്. നേരത്തെ ഷാരൂഖ് ഖാന്റെ മകള്‍ സുഹാന ഖാന്‍ തന്റെ അനുഭവം തുറന്നെഴുതിയിരുന്നു. ഇതിന് പിന്നാലെയാണ് ഇലിയാനയുടേയും തുറന്നു പറച്ചില്‍.
എന്നെ കാണാന്‍ എങ്ങനെയാണ് എന്നതിനെക്കുറിച്ച് എപ്പോഴും ആകുലപ്പെട്ടിരുന്നു. എന്റെ ഇടുപ്പ് വളരെയധികം വലുതാണെന്നും തുടകള്‍ അമിതമായി ഉലയുന്നുവെന്നും അരക്കെട്ട് ഇടുങ്ങിയതല്ലെന്നും വയര്‍ വേണ്ടത്ര പരന്നതല്ലെന്നും സ്തനങ്ങള്‍ വേണ്ടത്ര വലിപ്പമുള്ളതല്ലെന്നും നിതംബങ്ങള്‍ വളരെ വലുതാണെന്നും കൈകള്‍ വളരെ കുലുങ്ങുതാണെന്നും മൂക്ക് നേരെയല്ലെന്നും ചുണ്ടുകള്‍ക്ക് വേണ്ടത്ര വലിപ്പമില്ലെന്നുമൊക്കെ ആശങ്കപ്പെട്ടിരുന്നു ഇലിയാന പറയുന്നു.
എനിക്ക് വേണ്ടത്ര ഉയരമില്ലെന്നും സുന്ദരിയല്ലെന്നും തമാശക്കാരിയല്ലെന്നും സ്മാര്‍ട്ട് അല്ലെന്നും എല്ലാം തികഞ്ഞവളല്ലെന്നും സങ്കടപ്പെട്ടിരുന്നു. പൂര്‍ണമാവുകയല്ല ലക്ഷ്യമെന്ന് തിരിച്ചറിഞ്ഞിരുന്നില്ല. മനോഹരമായ ന്യൂനതകലുള്ള, വ്യത്യസ്തയായിരിക്കുകയാണ് വേണ്ടെന്ന് തിരിച്ചറിഞ്ഞെന്നും ഇലിയാന കുറിക്കുന്നു.
ഓരോ പാടുകളും കുറവുകളുമാണ് തന്നെ താനാക്കിയത്. തന്റേതായ സൗന്ദര്യം നല്‍കിയതെന്നും ഇലിയാന കുറിച്ചു. അത് തിരിച്ചറിഞ്ഞതോടെ താന്‍ ആശങ്കപ്പെടുന്നത് നിര്‍ത്തി. എന്താണ് സൗന്ദര്യമെന്ന് ലോകം പറയുന്നതിലേക്ക് എന്നെ കൊണ്ടു വരാനുള്ള ശ്രമം നിര്‍ത്തിയെന്നും ഇലിയാന വ്യക്തമാക്കി.
ഈ ലോകത്ത് ഫിറ്റാകാന്‍ ശ്രമിക്കുന്നത് താന്‍ നിര്‍ത്തി. എന്തിനാണ് അങ്ങനെ ചെയ്യുന്നത്. വ്യത്യസ്തയായി നില്‍ക്കാനാണ് താന്‍ ജനിച്ചതെന്ന് തിരിച്ചറിഞ്ഞുവെന്നും ഇലിയാന പറഞ്ഞു. നേരത്തേയും തന്റെ ശരീരത്തെ കുറിച്ചുണ്ടായിരുന്ന അപകര്‍ഷതാബോധത്തെ കുറിച്ച് ഇലിയാന തുറന്നു പറഞ്ഞിരുന്നു.

Related Articles

Back to top button