TravelCAREER

വീട്ടിലിരുന്നുള്ള ജോലി മടുത്തോ? എങ്കില്‍ പോരൂ ഈ കാട്ടിലേക്ക്

കൊവിഡ് 19 കാരണം വീട്ടില്‍ നിന്നുള്ള ജോലിയുടെ സമ്മര്‍ദ്ദത്തില്‍ നിന്ന് നിങ്ങള്‍ക്ക് ഒരു ഇടവേള ആവശ്യമാണെന്ന് കരുതുന്നുവെങ്കില്‍, മധ്യപ്രദേശ് നിങ്ങളെ സ്വാഗതം ചെയ്യുന്നു. സംസ്ഥാനത്തെ ടൂറിസം ബോര്‍ഡ് പുതിയ ഒരു ആശയവുമായി രംഗത്തു വന്നിരിക്കുകയാണ്. ജോലിക്കൊപ്പം അവധിക്കാലവും അസ്വദിക്കാം. സമ്മര്‍ദ്ദത്തില്‍ നിന്ന് രക്ഷപ്പെടുകയുമാകാം. ഇതിന് വര്‍ക്ക്‌കേഷന്‍ എന്ന് പേരിടുകയും ചെയ്തിട്ടുണ്ട്.
ഒരു കാട്, നദീതീരം, അല്ലെങ്കില്‍ ഒരു പര്‍വ്വതം എന്നീ സ്ഥലങ്ങളില്‍ ഒരു വീട് സജ്ജീകരിക്കുന്നതായി സങ്കല്‍പ്പിക്കുക. അവിടെ ഇരുന്ന് നിങ്ങള്‍ നിങ്ങളുടെ ലാപ്‌ടോപ്പില്‍ ജോലി ചെയ്യുന്നു. പേടിക്കേണ്ട വൈദ്യുതിയും ഹൈ സ്പീഡ് ഇന്റര്‍നെറ്റുമുണ്ട്. ഇതില്‍ കൂടുതല്‍ എന്താണ് വേണ്ടത്. അവിടെ നിങ്ങളുടെ പതിവ് ജോലികള്‍ തുടരാനും ഒപ്പം സഞ്ചരിക്കാനും പ്രകൃതിയോടൊപ്പം സമയം ചെലവഴിക്കാനും. കുടുംബവുമൊത്തോ സുഹൃത്തുക്കളോടൊപ്പമോ അടിച്ചുപൊളിക്കാനും അവസരം ലഭിക്കുന്നു.
വീട്ടില്‍ നിന്നുള്ള ജോലി സാധ്യതകള്‍ യാഥാര്‍ത്ഥ്യമായിട്ടുണ്ടെന്ന് എംപി ടൂറിസം ഡെവലപ്‌മെന്റ് കോര്‍പ്പറേഷന്‍ എംഡി എസ് വിശ്വനാഥന്‍ പറഞ്ഞു. അത്തരം ജീവനക്കാരെ ആകര്‍ഷിക്കുന്ന അഞ്ച് സ്ഥലങ്ങള്‍ അവര്‍ തിരിച്ചറിഞ്ഞു.
ലോക്ക്ഡൗണ്‍ എല്ലാ സ്ഥലങ്ങളിലെയും പോലെ മധ്യപ്രദേശിലെ ടൂറിസത്തെയും കാര്യമായി ബാധിച്ചിരുന്നു. ആദ്യ ഘട്ടത്തില്‍ സംസ്ഥാന സര്‍ക്കാര്‍ അഞ്ച് വര്‍ക്ക് സ്റ്റേഷനുകള്‍ ആരംഭിക്കും. അവിടെ ആളുകള്‍ക്ക് ഇന്റര്‍നെറ്റ് കണക്റ്റിവിറ്റിയും വൈദ്യുതിയും നല്‍കും. നിലവില്‍, വൈറ്റ് ടൈഗര്‍ ഫോറസ്റ്റ് ലോഡ്ജ് (ബന്ദവ്ഗഡ്) ഉള്‍പ്പെടെയുള്ള മനോഹരമായ ജംഗിള്‍ റിസോര്‍ട്ടുകളില്‍ മധ്യപ്രദേശ് ഈ സവിശേഷ ആശയം വാഗ്ദാനം ചെയ്യുന്നുണ്ട്. ബൈസണ്‍ റിട്രീറ്റ്, സത്പുര നാഷണല്‍ പാര്‍ക്ക്, കിപ്ലിംഗ് കോര്‍ട്ട് (പെഞ്ച് നാഷണല്‍ പാര്‍ക്ക്), പച്മരിയിലെ ചമ്പക് ബംഗ്ലാവ്, സൈലാനി ദ്വീപ് (ഓംകരേശ്വര്‍) എന്നീ സ്ഥലങ്ങളില്‍ വൈകാതെ ആള്‍ക്കാര്‍ക്ക് ജോലി ചെയ്യാന്‍ അവസരം ലഭിക്കും.
മനോഹരമായ സ്ഥലങ്ങളില്‍ സ്ഥിതിചെയ്യുന്ന ഈ റിസോര്‍ട്ടുകളും ഹോട്ടലുകളും ചുറ്റുമുള്ള പുല്‍മേടുകളുടെ മനോഹരമായ കാഴ്ചകള്‍ വാഗ്ദാനം ചെയ്യുന്നത് തീര്‍ച്ചയായും നിങ്ങളുടെ ശരീരത്തിനും മനസ്സിനും ഒരു മികച്ച ചികിത്സയായിരിക്കും. സുരക്ഷയെക്കുറിച്ചും മുന്‍കരുതല്‍ നടപടികളെക്കുറിച്ചും നിങ്ങള്‍ക്ക് ഉത്കണ്ഠയുണ്ടെങ്കില്‍, ഈ സൗകര്യങ്ങളെല്ലാം മെഡിക്കല്‍, പ്രഥമശുശ്രൂഷാ സൗകര്യങ്ങളും വാഗ്ദാനം ചെയ്യുന്നുണ്ട്. അതിവേഗ ഇന്റര്‍നെറ്റ് കണക്റ്റിവിറ്റി, സുഖപ്രദമായ താമസം, പവര്‍ ബാക്കപ്പ്, പുതിയതും ആരോഗ്യകരവുമായ ഭക്ഷണം, റൂം സേവനത്തിനൊപ്പം, എല്ലാ അവശ്യ മാനദണ്ഡങ്ങളും പാലിക്കുന്നു.

Tags

Related Articles

Back to top button
Close