BREAKING NEWSKERALALATESTNEWS

കേസുകളുടെ എണ്ണം കൂടുന്നു; കേരളത്തിൽ ഏതുനിമിഷവും സമൂഹവ്യാപനം നടന്നേക്കാം: മന്ത്രി കെ.കെ ശൈലജ

കേരളത്തിൽ എപ്പോൾ വേണമെങ്കിലും സമൂഹവ്യാപനം ഉണ്ടായേക്കാമെന്ന മുന്നറിയിപ്പുമായി ആരോഗ്യമന്ത്രി കെ കെ ശൈലജ. ആറു ജില്ലകളിൽ ജാഗ്രത പുലർത്തണമെന്നും തിരുവനന്തപുരത്ത് പ്രത്യേക ശ്രദ്ധ വേണമെന്നും മന്ത്രി കൂട്ടിച്ചേർത്തു. കേരളത്തിൽ സമ്പർക്കത്തിലൂടെയുള്ള രോഗവ്യാപനം താരതമ്യേന കുറവാണെന്നും മന്ത്രി പറഞ്ഞു.

വഞ്ചിയൂർ സ്വദേശിയുടെ ചികിത്സയിൽ വീഴ്ച സംഭവിച്ചിട്ടില്ല. ഇക്കാര്യം കളക്ടറുമായി സംസാരിച്ചിരുന്നു. തിരുവനന്തപുരത്ത് കളക്റ്ററും ആരോഗ്യപ്രവർത്തകരും തമ്മിൽ അഭിപ്രായ വ്യത്യസം ഇല്ല. രമേശിന്റെ കേസിൽ എന്ത് കൊണ്ട് സ്രവം എടുക്കാൻ വൈകിയെന്ന ആരോഗ്യ വിദഗ്ധരുടെ റിപ്പോർട്ട് ലഭിക്കാനുണ്ടെന്നും മന്ത്രി പറഞ്ഞു.

അതേസമയം, സമൂഹ വ്യാപനം ഉണ്ടോയെന്ന് കണ്ടെത്താനുള്ള ആന്റിബോഡി പരിശോധന ഫലങ്ങൾ ക്രോഡീകരിക്കുകയാണെന്നും ആശങ്ക വേണ്ടെന്നാണ് സൂചനയെന്നും കെ കെ ശൈലജ വ്യക്തമാക്കി.

കോവിഡ് രോഗികളിൽ മാനസിക ബുദ്ധിമുട്ടുകൾ ഉണ്ടായാൽ ചിക്തസയെ തന്നെ ബാധിച്ചേക്കും. അതിനാൽ തന്നെ കരുതലോടെയാണ് രോഗികളുമായി ഇടപഴകിയത്.

റൂട്ട് മാപ്പ് തയ്യാറാക്കാൻ വിവരങ്ങൾ നൽകാൻ പല രോഗബാധിതരും തയ്യാറായില്ല. ചിലർ ആത്മഹത്യ ഭീഷണി വരെ മുഴക്കി. ചില സ്ഥലങ്ങളിൽ എന്തിന് പോയതെന്ന് പറയാൻ മടിച്ചു. കൂടുതൽ ചോദിച്ചാൽ അവിടെ അപ്പോൾ ആത്മഹത്യ ചെയ്യുമെന്ന് വരെ പറഞ്ഞു.

അവരുടെ സ്വകാര്യതമാനിക്കേണ്ടതുണ്ട്. പക്ഷേ രോഗവ്യാപനം തടയാൻ മുഴുവൻ റൂട്ട് മാപ്പ് വിവരവും പുറത്ത് വിടേണ്ടതുണ്ടായിരുന്നു എന്നും ആരോഗ്യമന്ത്രി പറഞ്ഞു. പിപിഇ കിറ്റ് ഇട്ട് കോവിഡ് രോഗികൾക്ക് കൗൺസലിംഗ് നടത്തിയിരുന്നു.

Related Articles

Back to top button