ENTERTAINMENTMALAYALAM

‘കടുവാക്കുന്നേല്‍ കുറുവച്ചന്‍’ ഉടന്‍ വരും; ഉടന്‍ ഷൂട്ടിങ്ങെന്ന് ഷാജി കൈലാസ്

വിവാദങ്ങളില്‍ നിറഞ്ഞ് നിന്ന ‘കടുവാക്കുന്നേല്‍ കുറുവാച്ചന്‍’ വീണ്ടും സജീവമാകുകയാണ്. പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യുന്ന കടുവ എന്ന ചിത്രത്തിലും സുരേഷ് ഗോപിയുടെ 250ാം ചിത്രത്തിലെ കഥാപാത്രവും ഒരേ പേരിലെത്തുന്നത് ഒരിടയ്ക്ക് വിവാദത്തിന് വഴിവെച്ചിരുന്നു. ഇപ്പോഴിതാ പൃഥ്വിരാജ് നായകനാകുന്ന കടുവ എന്ന ചിത്രത്തിന്റെ ഷൂട്ടിങ് ഉടന്‍ തുടങ്ങുമെന്ന് അറിയിച്ചിരിക്കുകയാണ് അണിയറപ്രവര്‍ത്തകര്‍.
പൃഥ്വിരാജ് തന്റെ ഫേസ്ബുക്ക് പേജിലൂടെ ചിത്രത്തിന്റെ പുതിയ പോസ്റ്റര്‍ പങ്കുവെച്ചു കൊണ്ടാണ് ‘കടുവ’യുടെ പുതിയ അപ്‌ഡേറ്റ് പുറത്ത് വിട്ടത്. സംവിധായകന്‍ ഷാജി കൈലാസും പോസ്റ്റര്‍ പങ്കുവെച്ചിട്ടുണ്ട്. കടുവാക്കുന്നേല്‍ കുറുവച്ചന്‍ എന്ന കഥാപാത്രത്തിന്റെ പേരും ഉള്‍പ്പെടുത്തിക്കൊണ്ടാണ് പുതിയ പോസ്റ്റര്‍ പുറത്ത് വിട്ടിരിക്കുന്നത്. കഴിഞ്ഞ വര്‍ഷം ഒക്ടോബറിലായിരുന്നു ചിത്രം പ്രഖ്യാപിച്ചത്. ജൂലൈയോടെയാണ് ഷൂട്ടിങ് തുടങ്ങാന്‍ പദ്ധതിയിട്ടിരുന്നത്.
എട്ട് വര്‍ഷത്തിന് ശേഷം ഷാജി കൈലാസ് സംവിധാന രംഗത്തേയ്ക്ക് മടങ്ങിയെത്തുന്ന ചിത്രം കൂടിയാണ് കടുവ. മാസ്റ്റേഴ്‌സ്, ലണ്ടന്‍ ബ്രിഡ്ജ് എന്നീ സിനിമകളുടെ രചയിതാവും ആദം എന്ന സിനിമയുടെ സംവിധായകനുമായ ജിനു എബ്രഹാമാണ് ഈ ചിത്രത്തിന് തിരക്കഥ ഒരുക്കിയിരിക്കുന്നത്.

Related Articles

Back to top button