ENTERTAINMENTBOLLYWOOD

കാജലിന്റെ സുന്ദരന് പണ്ട് ‘ആന’ ഉണ്ടായിരുന്നു

തന്റെ വിവാഹത്തെ കുറിച്ച് തുറന്നു പറഞ്ഞ് തെന്നിന്ത്യന്‍ താരം കാജല്‍ അഗര്‍വാള്‍. ബിസിനസുകാരനും ഇന്റീരിയര്‍ ഡിസൈനറുമായ ഗൗതം കിച്ച്‌ലുവുമായുള്ള തന്റെ വിവാഹം ഒക്ടോബര്‍ 30ന് നടക്കുമെന്ന് കാജല്‍ തന്റെ സോഷ്യല്‍മീഡിയയിലൂടെ വ്യക്തമാക്കിയിരിക്കുകയാണ്. മുബൈയില്‍ വെച്ചായിരിക്കും വിവാഹം നടക്കുന്നതെന്നും താരം അറിയിച്ചിട്ടുണ്ട്. ഹിന്ദി, തെലുങ്ക്, തമിഴ് സിനിമകളിലൂടെ ശ്രദ്ധേയയായ താരമാണ് കാജല്‍ അഗര്‍വാള്‍.
കാജലിന്റേയും ഗൗതമിന്റേയും വീട്ടുകാര്‍ പറഞ്ഞു നിശ്ചയിച്ച വിവാഹമാണിത്. കഴിഞ്ഞ മാസമായിരുന്നു സ്വകാര്യ ചങ്ങില്‍ ഇവരുടെ വിവാഹനിശ്ചയം നടന്നത്. ഞാന്‍ യെസ് പറഞ്ഞു എന്ന് ആരംഭിക്കുന്ന കുറിപ്പിലൂടെയാണ് കാജല്‍ തന്റെ വിവാഹവാര്‍ത്ത പങ്കുവച്ചിരിക്കുന്നത്.
ഈ കൊവിഡ് കാലത്ത് ജീവിതത്തിലേക്ക് ഒരു ശാന്തമായ പ്രകാശം വരികയാണ്, ഒരുമിച്ച് ജീവിതം ആരംഭിക്കാന്‍ ഒരുങ്ങുന്നതിനാലുള്ള ത്രില്ലിലാണ്. വിവാഹം ഒരു ചെറിയ ചടങ്ങായിരിക്കുമെന്നും അടുത്ത ബന്ധുക്കള്‍ മാത്രമായിരിക്കും പങ്കെടുക്കുന്നതെന്നും കാജല്‍ കുറിപ്പില്‍ വ്യക്തമാക്കിയിരിക്കുകയാണ്.
ആരാണ് താരസുന്ദരിയുടെ മനസ് കീഴടക്കിയ സുന്ദരനെന്നാണ് ഇപ്പോള്‍ ആരാധകര്‍ തിരയുന്നത്. ബിസിനനസുകാരനും ഇന്റീരിയര്‍ ഡിസൈനറുമാണ് ഗൗതം കിച്ച്‌ലു. മുംബൈയിലായിരുന്നു സ്‌കൂള്‍ വിദ്യാഭ്യാസം. പിന്നീട് ടഫ്റ്റ്‌സ് യൂണിവേഴ്‌സിറ്റിയില്‍നിന്നും എക്കണോമിക്‌സിലും ഇന്റര്‍നാഷണല്‍ റിലേഷന്‍സിലും ബിരുദം നേടിയ ശേഷം നാട്ടിലേക്ക് മടങ്ങിയെത്തി.
ദ എലഫന്റ് കമ്പനിയുടെ സ്ഥാപകനും സിഇഒയുമായിരുന്നു ഗൗതം. ഇപ്പോള്‍ ഡിസേണ്‍ ലിവിങ്ങിന്റെ മേധാവിയാണ്. ഇന്റരീയര്‍ ഡിസൈനിങ് മേഖലയില്‍ പ്രശസ്തനാണ് ഗൗതം. ഒക്ടോബര്‍ 30നാണ് ഇരുവരും വിവാഹിതരാകുന്നത്.

Related Articles

Back to top button