ENTERTAINMENTBOLLYWOOD

ശിവസേനയെ വെല്ലുവിളിച്ച് കങ്കണ; എന്നെ തടയാന്‍ ധൈര്യമുണ്ടോ

ശിവസേനയെ പരസ്യമായി വെല്ലുവിളിച്ച് ബോളിവുഡ് താരം കങ്കണ റണാവത്ത്. മുംബൈയിലേക്ക് വരരുതെന്ന ആവശ്യപ്പെട്ട ശിവസേന നേതാവ് സഞ്ജയ് റാവത്തിനെയാണ് കങ്കണ വെല്ലുവിളിച്ചിരിക്കുന്നത്. താന്‍ തിരികെ മുംബൈയിലേക്ക് വരികയാണെന്നും ധൈര്യമുണ്ടെങ്കില്‍ തടയൂ എന്നായിരുന്നു കങ്കണയുടെ വെല്ലുവിളി. ട്വിറ്ററിലൂടെയായിരുന്നു കങ്കണയുടെ വെല്ലുവിളി.
”മുംബൈയിലേക്ക് തിരിച്ചു വരരുതെന്ന് പറഞ്ഞ് എന്നെ ചിലര്‍ ഭീഷണിപ്പെടുത്തുന്നത് കണ്ടു. അതുകൊണ്ട് ഞാന്‍ തിരികെ മുംബൈയിലേക്ക് വരാന്‍ തീരുമാനിച്ചിരിക്കുന്നു. സെപ്തംബര്‍ 9 ന് ഞാന്‍ തിരിച്ചു വരും. ലാന്‍ഡ് ചെയ്യുന്ന സമയം അറിയിക്കാം. ധൈര്യമുണ്ടെങ്കില്‍ തടയൂ” എന്നായിരുന്നു കങ്കണയുടെ ട്വീറ്റ്.
മുംബൈ പോലീസിന്റെ വിശ്വാസ്യതയെ ചോദ്യം ചെയ്ത കങ്കണ ഇവിടേക്ക് തിരിച്ചു വരേണ്ടതില്ലെന്നായിരുന്നു സഞ്ജയ് റാവത്തിന്റെ പ്രതികരണം. ശിവസേന മുഖപത്രം സാമ്‌നയിലൂടെയായിരുന്നു സഞ്ജയ് റാവത്ത് കങ്കണയ്‌ക്കെതിരെ രംഗത്ത് എത്തിയത്. ഇതിനെതിരെ കങ്കണ രംഗത്ത് എത്തി. തന്നെ ഭീഷണിപ്പെടുത്തുകയാണെന്നും മുംബൈ എന്തുകൊണ്ട് പാക് അധീന കശ്മീര് പോലെയാകുന്നുവെന്നുമായിരുന്നു കങ്കണയുടെ പ്രതികരണം.
ഇതിനെതിരെ ബോളിവുഡ് താരങ്ങളായ സ്വര ഭാസ്‌കര്‍, സോനു സൂദ് തുടങ്ങിയവര്‍ രംഗത്ത് എത്തിയിരുന്നു. ഇപ്പോള്‍ മണാലിയിലെ വീട്ടിലാണ് കങ്കണ താമസിക്കുന്നത്.

Related Articles

Back to top button

Adblock Detected

Please consider supporting us by disabling your ad blocker