AGRICULTUREHEALTH

കറ്റാര്‍ വാഴയുണ്ടോ, ശുദ്ധമായ ജെല്‍ വീട്ടിലുണ്ടാക്കാം..

പണ്ടു കാലത്ത് അത്രയൊന്നും പ്രചാരത്തില്‍ ഇല്ലായിരുന്ന സസ്യമായിരുന്നു കറ്റാര്‍ വാഴ. യാതൊരു പ്രത്യേക പരിചരണവും കൂടാതെ തന്നെ വളരുന്ന ഈ പച്ച സസ്യം ഇന്ന് ആളൊരു താരമാണ്. ആരോഗ്യത്തിനും സൗന്ദര്യത്തിനും മുടി സംരക്ഷണത്തിനുമെല്ലാം തന്നെ കേമന്‍. ഇതിനാല്‍ തന്നെ കറ്റാര്‍ വഴ ഉപയോഗിച്ചുള്ള സൗന്ദര്യ, കേശ സംരക്ഷണ ക്രീമുകള്‍ വിപണിയില്‍ ധാരാളമുണ്ട്. തണുപ്പു നല്‍കുന്ന ഒന്നാണ് ഇതിന്റെ ജെല്‍. എല്ലാവരും വീടുകളിലും ഇതു വളര്‍ത്തുന്നു. മാംസളമായ ഇതിന്റെ തണ്ടുകള്‍ക്കുള്ളിലെ ജെല്ലാണ് ഉപകാരപ്രദമായത്. ഇതു നല്‍കുന്ന ഗുണങ്ങള്‍ ചില്ലറയല്ല. വീട്ടില്‍ തന്നെ കറ്റാര്‍ വാഴയുള്ളപ്പോള്‍ നമുക്ക് ഇത് ജെല്‍ രൂപത്തില്‍ അങ്ങാടിയില്‍ നിന്നും വാങ്ങേണ്ടതുണ്ടോയെന്നതാണ് ചോദ്യം. കൃത്രിമ ക്രീമുകളില്‍ സ്വാഭാവിക ജെല്‍ മാത്രമല്ല, പല കെമിക്കലുകളും അടങ്ങിയിട്ടുണ്ടാകും. ഇത് കറ്റാര്‍ വാഴയുടെ ഗുണം കുറയ്ക്കുകയാണ് ചെയ്യുന്നത്. ഇതിനുളള നല്ലൊരു പരിഹാരം വീട്ടില്‍ തന്നെ ഈ ജെല്‍ തയ്യാറാക്കുക എന്നതാണ്. ഇതെങ്ങനെ തയ്യാറാക്കാമെന്നു നോക്കൂ.
ആന്റി ഓക്‌സിഡന്റുകളും വൈറ്റമിനുകളുമെല്ലാം തന്നെ കലര്‍ന്ന ഇത് തികച്ചും സ്വാഭാവിക രീതിയിലെ സൗന്ദര്യ സംരക്ഷണത്തിന് പറ്റിയ മരുന്നാണ്. വൈറ്റമിന്‍ ഇ അടങ്ങിയ സ്വാഭാവിക സസ്യമാണ് കറ്റാര്‍ വാഴ. ര്‍മത്തിലെ ചുളിവുകള്‍ നീക്കാന്‍ ഇത് ഏറെ നല്ലതുമാണ്. ചര്‍മത്തിലെ കൊളാജന്‍ ഉല്‍പാദനത്തിന് സഹായിക്കുന്ന ഒന്നാണിത്. ഇതാണ് ചുളിവുകള്‍ നീക്കാന്‍ സഹായിക്കുന്നത്. ചുളിവുകളാണ് ചര്‍മത്തിന് പ്രായക്കൂടുതല്‍ നല്‍കുന്ന പ്രധാന കാരണങ്ങളിലൊന്ന്. നല്ലൊന്നാന്തരം ആന്റി ഏജിംഗ് ക്രീമാണിത്.
വൈറ്റമിന്‍ ഇ ഏറെ സൗന്ദര്യ സംരക്ഷണ ഗുണങ്ങള്‍ നല്‍കുന്ന ഒന്നാണ്. പുതിയ ചര്‍മ കോശങ്ങളുണ്ടാകാന്‍ സഹായിക്കുന്ന ഒന്നു കൂടിയാണു വൈറ്റമിന്‍ ഇ. ഇതു കൊണ്ടു തന്നെ മുറിവുകള്‍ കൊണ്ടുണ്ടാകുന്ന കലകളും വടുക്കളുമെല്ലാം പരിഹരിയ്ക്കപ്പെടുവാന്‍ ഏറ്റവും നല്ലൊരു വഴി കൂടിയാണിത്. ഇതു കൊളാജന്‍ ഉല്‍പാദനത്തിനു സഹായിക്കുന്നു. ഇവ ചര്‍മകോശങ്ങള്‍ അയഞ്ഞു തൂങ്ങാതെയും ചര്‍മത്തില്‍ ചുളിവുകള്‍ വീഴാതെയും സഹായിക്കുന്നു.
കറ്റാര്‍ വാഴയ്‌ക്കൊപ്പം വൈറ്റമിന്‍ ഇ ഓയില്‍, ചൈനീസ് ഗ്രാസ് അല്ലെങ്കില്‍ ജെലാറ്റിന്‍ എന്നിവയും ഇതിനായി വേണം. ജെലാറ്റിനും ചൈനീസ് ഗ്രാസുമെല്ലാം തന്നെ കടകളില്‍ നിന്നും വാങ്ങാന്‍ ലഭിയ്ക്കും. ഇത് ചേര്‍ക്കണം എന്ന് നിര്‍ബന്ധവുമില്ല. ചൈനീസ് ഗ്രാസ് അല്ലെങ്കില്‍ ജെലാറ്റിന്‍ മതിയാകും. ക്രീമിന് കട്ടി നല്‍കുവാനാണ് ഈ ചേരുവകള്‍ ഇതില്‍ ചേര്‍ക്കുന്നത്. ഇതില്ലാതെയും തയ്യാറാക്കാം. ഇത്തരം ക്രീമുകള്‍ തയ്യാറാക്കി ഫ്രിഡ്ജില്‍ വച്ചു സൂക്ഷിയ്ക്കാം. അല്‍പം കൂടി കൂടുതല്‍ നാള്‍ കേടാകാതെയിരിയ്ക്കും.
കറ്റാര്‍ വാഴ തണ്ട് മുറിച്ചെടുക്കുക. നല്ലതു പോലെ കഴുകി ഇതിന്റെ മഞ്ഞ പശ കളയുക. ഇതിന്റെ വശത്തേയും മുകളിലേയും താഴത്തേയും പച്ച നിറത്തിലെ ഭാഗം നീക്കുക. ഈ ജെല്‍ മിക്‌സിയില്‍ ഇട്ട് നല്ലതു പോലെ അടിച്ചെടുക്കുക. നിങ്ങള്‍ക്കാവശ്യമുള്ളത്ര ഉണ്ടാക്കി വയ്ക്കാം.ഇതിലേയ്ക്ക് വൈറ്റമിന്‍ ഇ ക്യാപ്‌സൂളുകള്‍ ചേര്‍ത്ത് നല്ലതു പോലെ മിക്‌സ് ചെയ്യാം. അല്‍പം ജെലാറ്റിന്‍ ചേര്‍ക്കാം. ചൈനാ ഗ്രാസ് ആണെങ്കില്‍ അല്‍പം ചൂടുവെള്ളത്തില്‍ ഇട്ട് മൃദുവാക്കി ഇതെടുത്തു ചേര്‍ത്തിളക്കാം. നല്ലതു പോലെ ഇളക്കിചേര്‍ത്താല്‍ ജെല്‍ തയ്യാര്‍.
തികച്ചും ശുദ്ധമായതിനാല്‍ രാത്രിയില്‍ പോലും മുഖത്തു പുരട്ടി കിടക്കാവുന്ന ഒന്നാണിത്. കറ്റാര്‍ വാഴ മുഖത്തു പുരട്ടി കിടന്നാല്‍ പല ഗുണങ്ങളും ലഭിയ്ക്കും. തികച്ചും ശുദ്ധമായ ഒന്നാണിത്. ഇതു കൊണ്ടുതന്നെ ചര്‍മ സംരക്ഷണത്തിന് മികച്ചതും. ദിവസവും മുഖത്തു പുരട്ടാവുന്ന ഒന്നാണു കറ്റാര്‍ വാഴ. ഇത് അടുപ്പിച്ച് അല്‍പകാലം മുഖത്ത് ദിവസവും രണ്ടു നേരം പുരട്ടി അര മണിക്കൂര്‍ കഴിഞ്ഞു കഴുകിക്കളഞ്ഞു നോക്കൂ. നമുക്കു ലഭിയ്ക്കുന്ന ഗുണങ്ങള്‍ ചില്ലറയല്ല. ഇതിന് ആന്റി ഓക്‌സിഡന്റ് ഗുണങ്ങളും ആന്റി ബാക്ടീരിയല്‍ ഗുണങ്ങളുമെല്ലാമുണ്ട്. ചര്‍മത്തിലുണ്ടാകുന്ന അലര്‍ജി പ്രശ്‌നങ്ങള്‍ക്കും ഇതു നല്ലൊരു മരുന്നു തന്നെയാണ്.

Tags

Related Articles

Back to top button
Close