KERALALATEST

ഭാഗ്യക്കുറിയുടെ സമ്മാനവിഹിതം വില്‍പന വരുമാനത്തിന്റെ 1.5 ശതമാനം കൂടി വര്‍ധിപ്പിക്കും

തിരുവനന്തപുരം: ഭാഗ്യക്കുറിയുടെ സമ്മാനവിഹിതം വില്‍പന വരുമാനത്തിന്റെ 1.5 ശതമാനം കൂടി വര്‍ധിപ്പിക്കുന്നുവെന്ന് ധനമന്ത്രി തോമസ് ഐസക്ക്. ഇതോടെ പ്രതിവാര ഭാഗ്യക്കുറികള്‍ക്ക് 11,000 സമ്മാനങ്ങള്‍ കൂടിയുണ്ടാകും.
കേരള സംസ്ഥാന ഭാഗ്യക്കുറികളുടെ സമ്മാനങ്ങള്‍ക്കുള്ള വിഹിതം ഈ സര്‍ക്കാര്‍ അധികാരത്തില്‍ വരുമ്പോള്‍ 40 ശതമാനമായിരുന്നു. ഇതിപ്പോള്‍ 58.5 ശതമാനമാണെന്നും അദ്ദേഹം പറഞ്ഞു.
100 രൂപയുടെ സമ്മാനങ്ങള്‍ നല്‍കുന്ന ഏജന്റ്‌സ് പ്രൈസ് 10 രൂപയില്‍നിന്ന് 20 രൂപയാക്കും. മറ്റെല്ലാ സമ്മാനങ്ങളിലുമുള്ള ഏജന്റ്‌സ് പ്രൈസും 12 ശതമാനമായി വര്‍ധിപ്പിക്കുന്നു. എല്ലാ സ്ലാബിലുമുള്ള ഡിസ്‌കൗണ്ട് അര ശതമാനം വീതം വര്‍ധിപ്പിക്കുന്നു.
ക്ഷേമനിധി അംഗങ്ങളായ ഭാഗ്യക്കുറി വില്‍പ്പനക്കാര്‍ക്ക് ഭവന നിര്‍മാണ സഹായം നല്‍കുന്നതിനു വേണ്ടി ലൈഫ് ബമ്പര്‍ ഭാഗ്യക്കുറി നടത്തും. അതിന് അടുത്ത മാര്‍ച്ചില്‍ നറുക്കെടുപ്പ് ഉണ്ടാകും.
ഏജന്റ് മരിക്കുന്ന സാഹചര്യമുണ്ടായാല്‍ നോമിനിക്ക് ടിക്കറ്റ് സംരക്ഷിച്ച് നല്‍കും. ഇതിന് ആവശ്യമായ ചട്ടഭേദഗതി കൊണ്ടുവരും. ബാങ്ക് ഗാരന്റിയില്‍ ഏജന്റുമാര്‍ക്ക് ബമ്പര്‍ ടിക്കറ്റ് നല്‍കും. ജി.എസ്.ടി. ഓണ്‍ലൈനില്‍ അടയ്ക്കാനുള്ള സംവിധാനം ഒരുക്കുമെന്നും മന്ത്രി പറഞ്ഞു.
കേരളീയരെ കൊള്ളയടിക്കന്‍ ഇടനിലക്കാര്‍ മുഖാന്തരമുള്ള അന്യസംസ്ഥാന ഭാഗ്യക്കുറികളെ അനുവദിക്കില്ല. സംസ്ഥാന ജി.എസ്.ടി. ചട്ടങ്ങളിലെ വ്യവസ്ഥകള്‍ കര്‍ശനമായി നടപ്പാക്കുമെന്നും തോമസ് ഐസക്ക് വ്യക്തമാക്കി.
വില്‍പ്പനക്കാര്‍ക്കും തൊഴിലാളികള്‍ക്കുമുള്ള ക്ഷേമാനുകൂല്യങ്ങളില്‍ വലിയ വര്‍ദ്ധനവ് വരുത്തിയിട്ടുണ്ടെന്നും മന്ത്രി പറഞ്ഞു.ഭാഗ്യക്കുറിയില്‍ നിന്നും ലാഭം വര്‍ദ്ധിപ്പിക്കലല്ല, എന്തു വില കൊടുത്തും ലോട്ടറി മാഫിയയെ പ്രതിരോധിച്ച് ലക്ഷത്തില്‍പ്പരം ഭാഗ്യക്കുറി വില്‍പ്പനക്കാരുടെ ഉപജീവനത്തെ സംരക്ഷിക്കുകയാണ് സര്‍ക്കാരിന്റെ ഉദ്ദേശമെന്നും ഐസക്ക് പറഞ്ഞു.
വിവാഹ ധനസഹായം 5000 ല്‍ നിന്നും 25000 രൂപ ആയി വര്‍ധിപ്പിച്ചു. പ്രസവാനുകൂല്യം 5000 ല്‍ നിന്നും 10000 രൂപ ആയി. പ്രത്യേക ചികിത്സാ സഹായം 20000 ല്‍ നിന്നും 50000 രൂപ ആയി. ചികിത്സാ ധനസഹായം 3000 ല്‍ നിന്നും 5000 രൂപ ആയി. ഹയര്‍ സെക്കണ്ടറി മുതല്‍ ബിരുദബിരുദാനന്തരതലം വരെയും പ്രൊഫഷണല്‍ കോഴ്‌സുകള്‍ക്കും പ്രതിവര്‍ഷ സ്‌കോളര്‍ഷിപ്പ് കൊണ്ടുവന്നു. 1500 മുതല്‍ 7000 രൂപ വരെ വിവിധ കോഴ്‌സുകള്‍ക്കുള്ള സ്‌കോളര്‍ഷിപ്പ്.

Related Articles

Back to top button

Adblock Detected

Please consider supporting us by disabling your ad blocker