ആലപ്പുഴ: ആലപ്പുഴ ജില്ലയിലെ കരുവേലി പാടശേഖരത്തില്‍ മടവീഴ്ച. ഏക്കറുകണക്കിന് നെല്‍കൃഷി നശിച്ചതായും പ്രദേശത്തെ ഒരു പള്ളിക്ക് കേടുപാടുകളുണ്ടായെന്നും റിപ്പോര്‍ട്ടുണ്ട്. മടവീഴ്ചയെ തുടര്‍ന്ന് സി.എസ്.ഐ
ചാപ്പല്‍ പൂര്‍ണമായും തകര്‍ന്നുവീണു.
ഇന്ന് പുലര്‍ച്ചെയാണ് പള്ളി തകര്‍ന്നുവീണത്. രണ്ട് പാടശേഖരങ്ങള്‍ക്ക് നടുവിലായിരുന്നു സെന്‍റ് പോള്‍സ് സി.എസ്.ഐ ദേവാലയം. ആദ്യം വെള്ളം പള്ളിക്കകത്ത് കയറുകയും പിന്നാലെ പള്ളി തകര്‍ന്നു വീഴുകയുമായിരുന്നു.ചില വീടുകളിലും വെളളം കയറയിട്ടുണ്ട്.
കഴിഞ്ഞദിവസം കുട്ടനാട്ടിലുണ്ടായ മടവീഴ്ചയിലും ഏക്കറുകണക്കിന് നെല്‍കൃഷി നശിച്ചിരുന്നു. മടവീഴ്ചയെ തുടര്‍ന്ന് കുട്ടനാടന്‍ മേഖലയില്‍ വീടുകളില്‍ കയറിയ വെളളം ഇറങ്ങാന്‍ ദിവസങ്ങളെടുക്കും. ഇവിത്തെ താമസക്കാരെ മാറ്റിപ്പാര്‍പ്പിച്ചിരിക്കുകയാണ്.
