BREAKING NEWSKERALALATEST

മദനി ഗുരുതരാവസ്ഥയില്‍; അടിയന്തര ശസ്ത്രക്രിയയ്ക്കായി കോടതിയെ സമീപിക്കുന്നു

ബംഗളൂരു: ആരോഗ്യസ്ഥിതി വഷളായ പിഡിപി ചെയര്‍മാന്‍ അബ്ദുല്‍ നാസര്‍ മദനി ശസ്ത്രക്രിയക്കായി കോടതിയെ സമീപിക്കുമെന്ന് റിപ്പോര്‍ട്ട്. കഴിഞ്ഞ ദിവസം രോഗനില ഗുരുതരമായതിനെ തുടര്‍ന്ന് മദനിയെ ബംഗളൂരു ഹെബ്ബാളിലെ ആസ്റ്റര്‍ സിഎംഐ ആശുപത്രിയില്‍ പ്രവേശിപ്പിച്ചിരുന്നു. മദനി തന്നെ ഇക്കാര്യം ഫേസ്ബുക്കിലൂടെ അറിയിച്ചിരുന്നു. ക്ഷീണവും തളര്‍ച്ചയും മൂത്രതടസവും അനുഭവപ്പെട്ട അദ്ദേഹത്തിന് വിവിധ പരിശോധനകള്‍ നടത്തിയ ഡോക്ടര്‍മാര്‍ അടിയന്തിരമായി ശസ്ത്രക്രിയ നിര്‍ദ്ദേശിച്ചിരിക്കുകയാണ്.
രണ്ടു ഘട്ടമായി ശസ്ത്രക്രിയ നടത്താനാണ് ഡോക്ടര്‍മാരുടെ ഉപദേശം. അഭിഭാഷകരുമായി ചര്‍ച്ച ചെയ്ത് അനുമതിക്കായി കോടതിയെ സമീപിക്കുമെന്ന് മഅ്ദനി അറിയിച്ചു. കോവിഡിന്റെ പശ്ചാത്തലത്തില്‍ കേസിന്റെ നടപടി ക്രമങ്ങള്‍ എന്‍ഐഎ കോടതിയില്‍ വീഡിയോ കോണ്‍ഫറന്‍സ് വഴിയാണ് നടക്കുന്നത്. മദനിയുടെ ആരോഗ്യവിഷയത്തില്‍ ഇടപെടണം എന്നാവശ്യപ്പെട്ട് കഴിഞ്ഞ ദിവസം മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് രമേശ് ചെന്നിത്തല എന്നിവരെ പിഡിപി നേതാക്കള്‍ കണ്ടിരുന്നു.
കിഡ്‌നി രോഗം മൂര്‍ഛിച്ചതിനാല്‍ നാളെ ആശുപത്രിയിലേക്ക് മാറുകയാണെന്ന് അബ്ദുന്നാസര്‍ മദനി. പ്രാര്‍ത്ഥിക്കാന്‍ അഭ്യര്‍ത്ഥിച്ചുകൊണ്ടുള്ള ഫെയ്‌സ്ബുക്ക് പോസ്റ്റിലാണ് അദ്ദേഹം ഇക്കാര്യം അറിയിച്ചത്. കിഡ്‌നിയുടെ അസ്വസ്ഥത കൂടുതലാണ് ക്രിയാറ്റിന്‍ വര്‍ധിക്കുകയും ഏഎഞ വല്ലാതെ കുറയുകയും ചെയ്തിരിക്കുന്നു. നാളെ ആശുപത്രിയിലേക്കു പോവുകയാണ്. എന്റെ പ്രിയ സഹോദരങ്ങള്‍ ആത്മാര്‍ത്ഥമായി പ്രാര്‍ത്ഥിക്കണംഅദ്ദേഹം ഫെയ്‌സ്ബുക്ക് പോസ്റ്റില്‍ പറഞ്ഞു.

Related Articles

Back to top button