BUSINESSBUSINESS NEWS

കേരളത്തിലെ പ്രമുഖ ആശുപത്രികളുമായി കൈകോര്‍ത്ത് മിലാപ്

കൊച്ചി: വലിയ ചിലവ് വരുന്ന ചികിത്സകള്‍ക്ക് സാമ്പത്തികശേഷിയില്ലാത്ത രോഗികളെ സഹായിക്കാനായി ദക്ഷിണേഷ്യയിലെ ഏറ്റവും വലിയ ഓണ്‍ലൈന്‍ ക്രൗഡ്ഫണ്ടിങ് പ്ലാറ്റ്‌ഫോമായ മിലാപ് കേരളത്തിലെ പ്രമുഖ ആശുപത്രികളുമായി കൈകോര്‍ക്കുന്നു. വിപിഎസ് ലേക്‌ഷോര്‍, ആസ്റ്റര്‍ മെഡ്‌സിറ്റി, രാജഗിരി തുടങ്ങിയ സംസ്ഥാനത്തെ സൂപ്പര്‍ സ്‌പെഷ്യാലിറ്റി ആശുപത്രികളുമായാണ് മിലാപ് പങ്കാളിത്തത്തില്‍ ഏര്‍പ്പെട്ടിരിക്കുന്നത്. ഓണ്‍ലൈന്‍ ക്രൗഡ്ഫണ്ടിങ്ങിനെക്കുറിച്ച് അറിവില്ലാത്ത വന്‍ ചിലവ് വരുന്ന ചികിത്സകള്‍ ആവശ്യമുള്ള രോഗികള്‍ക്ക് മിലാപ്പിലൂടെ ധനം സമാഹരിക്കാന്‍ ആശുപത്രികള്‍ തന്നെ അവസരം ഒരുക്കുന്നു.
കൊച്ചിയിലെ പ്രമുഖ ലിവര്‍ ട്രാന്‍സ്പ്ലാന്റ് സര്‍ജനായ ഡോ. അഭിഷേക് യാദവ് തന്നെ പല രോഗികള്‍ക്കും ചികിത്സയ്ക്കുള്ള ധനസമാഹരണത്തിന് മിലാപ് നിര്‍ദ്ദേശിച്ചിട്ടുണ്ട്. രോഗിയുടെ സമ്പൂര്‍ണ സുഖം പ്രാപിക്കലാണ് ഏതൊരു ഡോക്ടറുടെയും പ്രധാന ലക്ഷ്യം. എന്നാല്‍ ചികിത്സയിലൂടെ രോഗം സുഖപ്പെടാന്‍ സാധ്യതയുണ്ടെങ്കിലും ചികിത്സയ്ക്കുള്ള സാമ്പത്തികശേഷിയില്ലെന്നത് വിഷമമുണ്ടാക്കുന്നതാണെന്ന് ഡോ. അഭിഷേക് പറയുന്നു. അത്തരം രോഗികള്‍ക്ക് മിലാപ് പോലുള്ള ക്രൗഡ്ഫണ്ടിങ് പ്ലാറ്റ്‌ഫോമുകള്‍ ഏറെ സഹായകമാണെന്നും ഡോ. അഭിഷേക് വ്യക്തമാക്കി.

Related Articles

Back to top button

Adblock Detected

Please consider supporting us by disabling your ad blocker