കൊച്ചി: എഡ്ജ് ഫ്രാഞ്ചൈസിയിലെ ഏറ്റവും നൂതന ഫോണ് എഡ്ജ് 50 അള്ട്രാ പുറത്തിറക്കി
മോട്ടറോള. എഐ ജനറേറ്റീവ് തീം, ഇമേജ് ജനറേഷന് ചെയ്യാനുള്ള മാജിക് ക്യാന്വാസ്, മോട്ടോ എഐ, സ്മാര്ട്ട് കണക്റ്റ് ഫീച്ചര് എന്നിങ്ങനെ നിരവധി അത്യാധുനിക നവീകരണങ്ങള് വരുന്നതാണ് മോട്ടോറോള എഡ്ജ് 50 അള്ട്രാ. മോട്ടറോളയുടെ മുന്നിര ക്യാമറയായ എഐ പാന്റോണ് ക്യാമറ, 6.7 ഇഞ്ച് കര്വ്ഡ് പോള്ഇഡി ഡിസ്പ്ലേ, ടര്ബോ പവര് 50വാട്ട് വയര്ലെസ്- 125വാട്ട് ടര്ബോപവര് ചാര്ജിംഗ് എന്നിവ വരുന്നു. ഐപി68 അണ്ടര്വാട്ടര് സുരക്ഷയോടെ ഗൊറില്ല ഗ്ലാസ് വിക്ട്സ് ഡിസ്പ്ലേ പ്രൊട്ടക്ഷനും വരുന്ന സ്മാര്ട്ഫോണില് 12ജിബി റാം+512ജിബി സ്റ്റോറേജുമുണ്ട്. എഐ അധിഷ്ഠിത സ്മാര്ട്ട്ഫോണ് സാങ്കേതികവിദ്യയിലെ സുപ്രധാന കുതിച്ചുചാട്ടമാണ് മോട്ടോറോള എഡ്ജ് 50 അള്ട്രാ എന്ന് മോട്ടറോള ഇന്ത്യ മാനേജിംഗ് ഡയറക്ടര് ടി എം നരസിംഹന് പറഞ്ഞു.
മോട്ടോറോള എഡ്ജ് 50 അള്ട്രാ നോര്ഡിക് വുഡ് എന്നറിയപ്പെടുന്ന യഥാര്ത്ഥ വുഡ് ഫിനിഷിലും ഫോറസ്റ്റ് ഗ്രേ, പീച്ച് ഫസ് നിറങ്ങളില് വീഗന് ലെതര് ഫിനിഷിലും ലഭ്യമാണ്. ജൂണ് 24ന് 12 മണി മുതല് ഫ്ളിപ്കാര്ട്ട്, മോട്ടോറോള.ഇന്, പ്രമുഖ റീട്ടെയില് സ്റ്റോറുകള് എന്നിവയില് വില്പ്പനയ്ക്കെത്തും.12ജിബി+512ജിബിക്ക് 59,999 രൂപയാണ് ലോഞ്ച് വില.
പ്രത്യേക പ്രാരംഭ ഓഫറിലൂടെ പരിമിത കാലയളവിലേക്ക് 5000 രൂപ കിഴിവില് 54,999 രൂപയ്കും എച്ച് ഡി എഫ് സി, ഐസിഐസിഐ തുടങ്ങിയ ബാങ്കുകളില് നിന്ന് 5,000 രൂപ അധിക കിഴിവിലൂടെ 49,999 രൂപയ്കും എഡ്ജ് 50 അള്ട്രാ സ്വന്തമാക്കാം. പ്രതിമാസം 4,167/- മുതല് 12 മാസം വരെ നോ കോസ്റ്റ് ഇഎംഐയിലും ലഭിക്കും.
